तद्भक्तास्तद्गमनसः सूर्यपूजासमुत्सुकाः
यक्षिण्यो विविधाकारास्तथा यक्षकुमारकाः
शांतिं स्वस्त्ययनं क्षेमं बलं कल्याणमुत्तमम् 1.180.
पर्वताः सर्वतः सर्वे वृक्षाश्चैव महर्द्धिकाः
सागराः सर्वतः सर्वे गृहारण्यानि कृत्स्नशः
राक्षसाः सर्वतः सर्वे घोररूपा महाबलाः
पाताले राक्षसा ये तु नित्यं सूर्यार्चने रताः
प्रेताः प्रेतगणाः सर्वे ये प्रेताः सर्वतोमुखाः
पाताले भूतले वापि ये प्रेताः कामरूपिणः
एकचक्रो रथो यस्य यस्तु देवो वृषध्वजः
ये पिशाचा महावीर्या वृद्धिमंतो महाबलाः
पाताले भूतले ये च बहुरूपा मनोजवाः
यस्याहं सारथिर्वीर यस्य त्वं तुरगः सदा 1.180.
अपस्मारग्रहाः सर्वे सर्वे चापि ज्वरग्रहाः
पाताले तु ग्रहा ये च ये ग्रहाः सर्वतो गताः
हरो यस्य सदा वामे ललाटे कंजजः स्थितः
इति देवादयः सर्वे सूर्ययज्ञविधायिनः
जयः सूर्याय देवाय तमोहंत्रे विवस्वते
ग्रहोत्तमाय देवाय जयः कल्याणकारिणे
जयः दीप्तिविधानाय जयः शांतिविधायिने
जयार्क जयदीप्तीश सहस्रकिरणोज्ज्वल
गायत्रीदेहरूपाय सावित्रीदयिताय च
सुमंतुरुवाच श्रेयसे वैनतेयस्य गरुडस्य महात्मनः ।। 1.180.
एतस्मिन्नेव काले तु सुपर्णः पत्रवानभूत्
संपूर्णावयवो राजन्यथापूर्वं तथाभवत्
एवमन्येऽपि राजेंद्र मानवा ये च रोगिणः तस्माद्यत्नेन कर्तव्यमग्निकार्यं विधानतः
करणीयं च राजेंद्र मानवैश्च प्ररोगिभिः
ग्रहो पघाते दुर्भिक्ष उत्पातेषु च कृत्स्नशः
पूजयित्वा प्रसूक्तं तु ध्यात्वा वीरं प्रयत्नतः
चेतसा सुप्रसन्नेन सर्पिषा मधुना सह