मेषो मृगाधिपः सिंहो धनुर्दीप्तिमतां वरः शांतिं कुर्वंतु ते नित्यं भक्त्या सूर्यपदांबुजे
वृषः कन्या च परमा मकरश्चापि बुद्धिमान् भक्त्या परमया नित्यं शांतिं कुर्वंतु ते सदा
मिथुनं च तुला कुंभः पश्चिमे च व्यवस्थिताः
शांतिं कुर्वंतु ते नित्यं खखोल्काज्ञानतत्पराः
ऋषयः सप्त विख्याता ध्रुवांताः प्ररमोज्ज्वलाः
कश्यपो गालवो गार्ग्यो विश्वामित्रो महामुनिः
नारदो भृगुरात्रेयो भारद्वाजश्च वै मुनिः
शालंकायन इत्येते ऋषयोऽथ महातपाः
मुनिकन्या महाभागा ऋषिकन्याः कुमारिकाः 1.179.
सिद्धाः समृद्धतपसो ये चान्ये वै महातपाः
आदित्यपरमा ह्येते आदित्याराधने रताः
नमुचिर्दैत्यराजेद्रः शंकुकर्णो महाबलः
ग्रहाधिपस्य देवस्य नित्यं पूजापरायणाः
महाढ्यो यो हयग्रीवः प्रह्लादः प्रभयान्वितः
एते दैत्या महात्मानः सूर्यभावेन भाविताः
वैरोचनो हिरण्याक्षस्तुर्वसुश्च सुलोचनः
भावेन परमेणेमं यजंते सततं रविम्
दैत्यपतयो महाभागा दैत्यानां कन्यकाः शुभाः
आरक्तेन शरीरण रक्तांतायतलोचनाः 1.179.
अनंतो नागराजेंद्र आदित्याराधने रतः
अतिपीतेन देहेन विस्फुरद्भोगसंपदा
नागराट् तक्षकः श्रीमान्नामकोट्या समन्वितः
अतिकृष्णेन वर्णेन स्फुटाधिकटमस्तकः
कर्कोटको महानागो विषदर्पबलान्वितः
पद्मवर्णः पद्मकान्तिः फुल्लपद्मायतेक्षणः
स ते शांति शुभं शीघ्रमचलं संप्रयच्छतु
विषदर्पबलोन्मत्तो ग्रीवायां रेखयान्वितः ३८. अतिगौरेण देहेन चंद्रार्धकृतशेखरः
दीपभागे कृताटोपशुभलक्षणलक्षितः अपहृत्य विषं घोरं करोतु तव शांतिकम् ।। 1.179.
अंतरिक्षे च ये नागा ये नागाः स्वर्गसंस्थिताः
पाताले ये स्थिता नागाः सर्वे यत्र समाहिताः