नीलजीमूतवर्णाय रक्तांबरधराय च
शुक्लवस्त्राय पीताय दिव्यपाशधराय च
कृष्णपिंगलनेत्राय वायव्याभिमुखाय च
स्वाहेति पवनायेह आहुतिं चोत्सृजेद्बुधः
महोदराय शांताय स्वाहाधिपतये तथा 1.175.
श्वेताय श्वेतवर्णाय चित्राक्षाय महात्मने
ईशानाभिमुखायेह दद्यादीशाय चाहुतिम्
एवं देवं महात्मानं पावकं विधिवत्खग
लक्षहोमं च विधिवत्कृत्वा शांतिकमाचरेत्
महाहोमे च वै सौर एष एव विधिः परः
शांत्यर्थं सर्वलोकानां ततः शांतिकमाचरेत्
सहस्रकिरणो देवः सप्ताश्वरथवाहनः
करोतु ते महाशांतिं ग्रहपीडानिवारिणीम्
दशाश्ववाहनो देव आत्रेय श्चामृतस्रवः सोमः सौम्येन भावेन ग्रहपीडां व्यपोहतु
पद्मरागनिभो भौमो मधुपिंगल लोचनः 1.175.
पुष्परागनिभेनेह देहेन परिपिंगलः
तप्तगैरिकसंकाशः सर्वशास्त्रविशारदः
बृहस्पतिरिति ख्यात अर्थशास्त्रपरश्च यः
ग्रहपीडां विनिर्जित्य करोतु तव शांतिकम्
हिमकुंदेंदुवर्णाभो दैत्यदानवपूजितः
सूर्यार्चनपरो नित्यं शुक्रः शुक्लनिभस्तदा
नानारूपधरोव्यक्त अविज्ञातगतिश्च यः
एकचूलो द्विचूलश्च त्रिशिखः पंचचूलकः
सूर्यपुत्रोग्निपुत्रस्तु ब्रह्मविष्णुशिवात्मकः
एते ग्रहा महात्मानः सूर्यार्चनपराः सदा 1.175.
इति श्रीभविष्ये महापुराणे ब्राह्मे पर्वणि सप्तमीकल्पे सौरधर्मेषु सूर्याग्निकर्मणि पंचसप्तत्युत्तरशततमोऽध्यायः
सौरधर्मवर्णनम् कमण्डलुधरः श्रीमान्देवगंधर्वपूजितः
चतुर्मुखो देवपतिः सूर्यार्चनपरः सदा ब्रह्मशब्देन दिव्येन ब्रह्मा शांतिं करोतु ते
पीतांबरधरो देव आत्रेयीदयितः सदा
यज्ञदेहः क्रमो देव आत्रेयीदयितः सदा