शोभनः स्यान्नरः श्रीमान्भगस्यातीव वल्लभः
भेरीमृदंगपटहझर्झरीमर्दलादिकम् 1.164.
स विमानैर्महाभागेर्वंशवीणायुतस्वनैः
सुसंगीतकदानेन सवाद्येन विशेषतः
महामहास्वनं दत्त्वा शंखयुग्मं भगालये
विमानं बहुवर्णाभं मध्ये पंकजभूषितम्
किंकिणीजालसंपन्नं वर्णकैश्चोपशोभितम्
भगस्योपरि यो दद्यात्सर्वरत्नोपशोभितम्
पट्टादिवस्त्रतंतूनां परिसंख्या तु या भवेत्
भगाहुत्या जगत्सर्वं सृष्टिद्वारेण धार्यते
यस्त्वग्निकार्यं(य?) विधिवत्कुर्यान्नित्यं भगालये
सर्वान्नं यावकोपेतं यस्तु नित्यविधिं हरेत् 1.164.
महाश्वेतादिमातॄणां त्रिकल्पानां च सर्वशः स नरश्च सहस्राणि शांडिलेयपुरे वसेत्
सौरसंध्याबलिं कृत्वा दिनांते सततं रवेः
दध्योदनपयोभिर्यः पूरितं पात्रमावृतम्
शिरसा धारयेत्पात्रं शनैर्गच्छेत्प्रदक्षिणम्
दर्पणैर्धूपमालाभिर्गेयनृत्यादिशोभितम्
दिव्यं वर्षसहस्रं तु दिव्यं वर्षशतं तथा
भगभक्तिप्रसन्नात्मा यद्यपि स्यात्स पापकृत्
कृष्णां तु षष्ठीं नक्तेन यश्च कृष्णां च सप्तमीम्
योब्दमेकं तु कुर्वीत नक्तं भगदिने नरः अयाचितात्परं नक्तं तस्मन्नाक्तेन वर्तयेत्
देवैस्तु भुक्तं मध्याह्ने पूर्वाह्णे ऋषिभिस्तथा 1.164.
सर्वा वेला ह्यतिक्रम्य सौराणां भोजनं परम्
भगलोकमवाप्नोति सुमनाः सुमनोव्रतः
हविष्यभोजनं स्नानमाहारस्य च लाघवम्
कृष्णषष्ठ्यां प्रयत्नेन कृत्वा नक्तं विधानतः
विधिवत्प्राश्य गोमूत्रमनाहारो निशि स्वपेत्
पुष्येप्येवं सहस्रांशुं भानुमंतमुशंति च
माघे दिवाकरं नाम कृष्णषष्ठ्यां नरोत्तम
मार्तंडं फाल्गुने मासि पूजयित्वा गवां पयः