चतुर्गेहं च मे स्वामिन्द्यूतं मद्यं सुवर्ण कम्
त्यक्तदेहस्त्यक्तकुलस्त्यक्तराष्ट्रो जनार्दन
इति श्रुत्वा स भगवान्कृष्णः प्राह विहस्य तम्
ममांशो भूमिमासाद्य क्षयिष्यति महाबलान् 3.3.4.
इत्युक्त्वा भगवान्साक्षात्तत्रैवान्तरधीयत
एतस्मिन्नन्तरे विप्र यथा जातं शृणुष्व तत्
नवदुर्गाव्रतं श्रेष्ठं? नववर्षं चकार ह
साह तां यदि मे मातर्वरो देयस्त्वयेश्वरि
तथेत्युक्त्वा तु सा देवी तत्रैवान्तरधीयत
उद्वाह्य धर्मतो भूपः स्वगेहे तामवासयत्
आवार्यो वत्सराजश्च शतहस्तिसमो बले
शतयत्तः स्मृतो म्लेच्छः शूरो वनरसाधिपः
तालवृक्षप्रमाणेन .चोर्ध्ववेगो हि तस्य वै
ताभ्यां नृपाभ्यां तद्युद्धमभवल्लोमहर्षणम् 3.3.4.
तदा मैत्री कृता ताभ्यां तालनेन समन्विता
अग्निवर्णनम् यथावेदानुसारेण यथाग्रहण योजनम्
शतार्धे वह्निरुद्दिष्टः शतार्धे काश्यपः स्मृतः
सहस्रे ब्राह्मणो नाम अयुते हरिरुच्यते
वरुणः शांतिके ज्ञेयो मारणे ह्यरुणः स्मृतः
लोहितश्चान्नयज्ञे यो ग्रहाणां प्रत्यनुक्रमात्
प्रजापतिर्वास्तुयागे मंडपे चापि पद्मके
गोदाने च भवेद्रुद्रः कन्यादाने तु गोऽजकः
वृषोत्सर्गे भवेत्सूर्योऽवसानांते रविः स्मृतः
त्रासने च भवेत्कालः क्रव्यादः शरदाहने
गर्भाधाने च मरुतः सीमंते पिंगलः स्मृतः 2.1.17.
नामसंस्थापने चैवमुपन्यस्ते च पार्थिवः
षडाननश्च चूडायां व्रतादेशे समुद्भवः
उदरे जठराग्निश्च समुद्रे वडवानलः
अश्वाग्निर्मंथरो नाम रथाग्निर्जातवेदसः
तोयाग्निर्वरुणोनाम ब्राह्मणाग्निर्हविर्भुजः