रत्नभानोश्च तनयो लक्षणो नाम विश्रुतः
समाप्तिमगमद्वंशो वैश्यपालस्य धीमतः
विष्वक्सेनान्वये जाता विष्वक्सेना(विश्वक्नेना?) नृपाः स्मृताः
गुहिलस्य कुले जाता गौहिलाः क्षत्रिया हि ते
वैश्यपालस्य वै वंशे कुंभपालस्य धीमतः
लक्षणे मरणं प्राप्ते शुक्ल वंशधुरंधुरे
शेषास्तु क्षुद्रभूपाला वर्णसंकरसंभवाः
जित्वा बौद्धान्परिहरोऽथर्ववेदपरायणः
शक्तिं सर्वमयीं नित्यां ध्यात्वा प्रेमपरोऽभवत्
नगरं चित्रकूटाद्रौ चकार कलिनिर्जरम्
अतः कलिंजरो नाम्ना प्रसिद्धोऽभून्महीतले
गौरवर्मा तस्य सुतः कृतं राज्यं पितुः समम्
गौडदेशं समागम्य तत्र राज्यमकारयत्
पितुस्तुल्यं कृतं राज्यं रूपणस्तत्सुतोऽभवत्
शको नाम ततो राजा महालक्ष्मीं सनातनीम्
स्वभक्तपालना चैव तत्र वासमकारयत्
मिथुनं जनयामास भोगो भोगवती हि सा ।। 3.4.4.
स्वराज्यं च स्वपुत्राय प्रददौ भोगवर्मणे
महोत्सवं महाकाल्याः कृतवान्स च भूपतिः
कलिका बहुपुष्पाणां सा चकार स्वहर्षतः
कलिकाता पुरी नाम्ना प्रसिद्धाभून्महीतले
कात्यायनस्तस्य सुतः पितुस्तुल्यं कृतं पदम्
शिववर्मा च तत्पुत्रः पितुस्तुल्यं कृतं पदम्
रुद्रवर्मा च तत्पुत्रः कृतं राज्यं पितुः समम्
भोजराष्ट्रं वनोद्देशे कारयामास वीर्यवान्
पितुस्तुल्यं कृतं राज्यं विंध्यवर्मा नृपोऽभवत्
पितुस्तुल्यं कृतं राज्यं सुखसेनस्ततोऽभवत् 3.4.4.
दशवर्षं कृतं राज्यं लक्ष्मणस्तत्सुतोऽभवत्
पितुस्तुल्यं कृतं राज्यं वेशवस्तत्सुतोऽ भवत्
पितुस्तुल्यं कृतं राज्यं ततो नारायणोऽभवत्