चंद्रदेवस्तस्य सुतो राज्यं तेन पितुः समम्
तस्य भूपस्य समये सर्वे भूपाः समन्ततः
पितुरर्द्धं कृतं राज्यं कुम्भपालस्ततो ऽभवत्
तत्पतिश्च महामोदो म्लेच्छपैशाचधर्मगः
म्लेच्छधर्मकरः प्राप्तः कुम्भपालो यतः स्थितः
महामोदं समागम्य प्रणनाम स बुद्धिमान्
राजनीयां च नगरीं प्राप्तवान्मूर्तिखंडकम्
तत्पुत्रो देवपालश्चानंगभूपस्य कन्यकाम् 3.4.3.
पितुस्तुल्यं कृतं राज्यं तस्योभौ तनयौ स्मृतौ
जयचंद्रो रत्नभानुर्दिशं पूर्वां तथोत्तराम्
रत्नभानोश्च तनयो लक्षणो नाम विश्रुतः
समाप्तिमगमद्वंशो वैश्यपालस्य धीमतः
विष्वक्सेनान्वये जाता विष्वक्सेना(विश्वक्नेना?) नृपाः स्मृताः
गुहिलस्य कुले जाता गौहिलाः क्षत्रिया हि ते
वैश्यपालस्य वै वंशे कुंभपालस्य धीमतः
लक्षणे मरणं प्राप्ते शुक्ल वंशधुरंधुरे
शेषास्तु क्षुद्रभूपाला वर्णसंकरसंभवाः
जित्वा बौद्धान्परिहरोऽथर्ववेदपरायणः
शक्तिं सर्वमयीं नित्यां ध्यात्वा प्रेमपरोऽभवत्
नगरं चित्रकूटाद्रौ चकार कलिनिर्जरम्
अतः कलिंजरो नाम्ना प्रसिद्धोऽभून्महीतले
गौरवर्मा तस्य सुतः कृतं राज्यं पितुः समम्
गौडदेशं समागम्य तत्र राज्यमकारयत्
पितुस्तुल्यं कृतं राज्यं रूपणस्तत्सुतोऽभवत्
शको नाम ततो राजा महालक्ष्मीं सनातनीम्
स्वभक्तपालना चैव तत्र वासमकारयत्
मिथुनं जनयामास भोगो भोगवती हि सा ।। 3.4.4.
स्वराज्यं च स्वपुत्राय प्रददौ भोगवर्मणे
महोत्सवं महाकाल्याः कृतवान्स च भूपतिः
कलिका बहुपुष्पाणां सा चकार स्वहर्षतः