पपीहकस्थश्च स रूपणो वै जगाम कृष्णांशसमन्वितश्च
समंततः किन्नरसैन्यघोरं विनाशयामासुरुपांशुखड्गैः
ध्यात्वा कुबेरं च गृहीतचापो नभोगतस्तत्र बभूव सूक्ष्मः
अदृश्यमानः स्वशरैः कठोरैर्विनर्द्य सर्वान्हि ननर्द घोरम्
ध्यात्वा महेंद्रं कणकं च बद्ध्वा कृष्णांशमागम्य पदौ ननाम
विनर्घ घोरं रुरुधुश्च सर्वान्माया विनो गुह्यकमस्त्रमूहुः
श्रमान्विताः सप्त महाप्रवीरा हतेषु सर्वेषु सुषुपुश्च वै यदा 3.3.32.
सुप्तान्समुत्थाय च सप्त शूरान्निशीथकाले स चकार युद्धम्
गृहीतखड्गौ रणघोरमत्तौ हत्वा ततो वै भुवि चेयतुश्च
ततः प्रभाते विमले विजाते रुरोद रामांश उताललाप
स पंचशब्दं गजमारुरोह त्रिलक्षसैन्यैस्तरसा जगाम
स्वपंचलक्षैः प्रबलैश्च शूरैः सार्द्धं रुरोधाशु रिपोश्च सेनाम्
त्रियाम मात्रेण हताश्च सर्वे द्वयोश्च पक्षा बलशालिनश्च
स धुंधुकारश्च तदाजगाम रथ स्थितं लक्षणमुग्रवीरम्
स पंचशब्दं गजमास्थितो वै गतः स एवाशु जगाम भूपम्
गजं प्रमत्तं शिवदत्तमुग्रमाह्लादहन्तारमुवाच वाक्यम्
स मंडलीको रणदुर्मदश्च रामांश आह्लाद इति प्रसिद्धः 3.3.32.
इत्येवमुक्तो नृपतिं स हस्ती वचस्तमाहाशु शृणुष्व राजन्
इत्युक्तवंतं च गजं प्रमत्तं स पंचशब्दश्च तदा स्वदंतैः
स रुद्रदत्तश्च गजः प्रमत्तो रुषान्वधावत्तरसा गजेंद्रम्
अवाप मूर्छां च स पंचशब्दस्तदाशु भूपं प्रति मंडलीकः जगाम पद्भ्यां स रिपुप्रमाथी यत्र स्थितश्चेन्दुल उग्रधन्वा
उत्थाप्य पुत्रं च विलप्यमानां पत्नीं स्वकीयां प्रति चाजगाम
स लक्षणः खड्गवरेण बाणान्रिपोश्च छित्त्वा निजवैष्णवास्त्रम्
हते च तस्मिन्निजमुख्यबंधौ सभूमिराजश्च गृहीतचापः
स मूर्छितः शुक्ल कुलेषु सूर्यस्तदोदयो वै भगदत्तमेव
भयान्वितस्तं च विलोक्य राजा जवेन दुद्राव च रक्तबीजम्
बाणेन शीघ्रं स च मूर्च्छयित्वा पुनश्च देवं च स मूर्छयित्वा 3.3.32.
प्रधाय चापे च स वैष्णवास्त्रं प्रचोदयामास च रक्तबीजे भयान्वितः स्वैश्च युतो ययौ वै यत्र स्थिता भूपतयः सकोपाः
विलोक्य शत्रुं च स रत्नभानोः सुतो ययौ वै शिबिराणि युक्तः प्रातश्च काले स च चंद्रवंशी विलोक्य शुक्लान्वयमाह भूपम्
अये गु्र्जरदेशीय मूलवर्मन्सुतैः सह