नेत्रसिंहश्च नृपतिः स वीरो लक्षसैन्यपः
वीरसेनश्च लक्षाढ्यः सपुत्रश्चांद्रिपक्षगः 3.3.32.
आह्लादो लक्षसैन्याढ्यः पक्षगश्चंद्रवंशिनः एवं षोडशलक्षाढ्यः स्थितः परिमलो रणे
लहरो भूपतिश्रेष्ठो लक्षपः पुत्रसंयुतः
अभिनन्दन एवापि सपुत्रो लक्षसैन्यपः
नागवर्मा समायातः सपुत्रो लक्षसैन्यपः
पूर्णामलः सपुत्रश्च लक्षपश्चैव पक्षगः
गजराजः समायातो महीराजं हि लक्षपः
पुत्रः कृष्णकुमारस्य भगदत्तः समागतः
बलवाहनपुत्रश्च दशगोपालसंस्थितः महीराजमुपागम्य युद्धार्थं समुपस्थितः
कलिंगश्च नृपः प्राप्तस्त्रिकोणश्च तथैव च
मुकुन्दश्च सुकेतुश्च रुहिलो गुहिलस्तथा सर्वे दशसहस्राढ्या महीराजमुपस्थिताः ।। 3.3.32.
महीराजस्य पक्षे तु सहस्रं क्षुद्रभूमिपाः
तेषां मध्ये च वै भूपान्द्विशतान्देहलीं प्रति एवं स देहलीराजश्चतुर्विंशतिलक्षपः
युद्धमष्टादशाहानि सञ्जातं सर्वसंक्षयम्
भवान्सपुत्रः सेनाढ्यो धुंधुकारेण रक्षितः इति श्रुत्वा ययौ शीघ्रं कुरुक्षेत्रे महारणे
तदा परिमलो राजा मयूरध्वजमेव हि
कृष्णांशेन जयंतेन देवसिंहेन रक्षितः
इति श्रुत्वा तु वचनं मयूरध्वज एव हि
तयोश्चासीन्महद्युद्धं सेनयोरुभयो रणे
एको रथो गजास्तत्र ज्ञेयाः पञ्चशतं रणे एते सैन्या नरा ज्ञेया सैन्यपांश्च शृणुष्व भोः ।।3.3.32.
दशानां पच्चराणां च पतिर्नाम्ना स पत्तिपः
पंचानां च गजानां च पतिर्नाम्ना गजाधिपः
उष्ट्रारूढाः स्मृता दूताश्चत्वारिंशच्च तद्बले षड्त्रिंशद्वै पदचरास्तेषां कर्माणि मे शृणु
दश गोलकदातारो दशतत्पुष्टिकारकाः त्रयो दृष्टिकरा ज्ञेयास्त्रियामेषु पृथक्पृथक्
शेषाः शूद्रास्तु सेनानां शूरकृत्यपरायणाः
तत्रासीत्तुमुलं युद्धं धर्मेण च समन्ततः
तत्पश्चाद्याममात्रेण सैन्यपा युद्धमागताः
याममात्रं च युद्धाय संस्थिता रणमूर्धनि
भगदत्तेन वै देवः कृतवान्युद्धमुत्तमम्