तत्पत्रं च महीराजो वाचयित्वा विधानतः
चिन्ताकलेवरं प्राप्य सुखनिद्रां व्यनाशयत् 3.3.32.
चतुर्विंशतिलक्षैश्च शूरैर्भूपसमन्वितैः
तथा परिमलो भूपो लक्षषोडशसैन्यपः
स्यमन्तपंचके तीर्थे शिबिराणि चकार ह
गंगाकूले च ते सर्वे कौरवांशा महाबलाः
कृत्वा ते कार्तिकीस्नानं दत्त्वा दानान्यनेकशः
विष्वक्सेनीयभूपालो लहरस्तत्र चागतः पूर्वजन्मनि यन्नाम तन्नाम्ना प्रश्रिता इह
दुस्सहो दुश्शलश्चैव जलसंधः समः सहः
दुर्मर्षणश्च दुष्कर्णः सोमकीर्तिरनूदरः
तोमरान्वयभूपालो बाह्लीकपतिरागतः
चित्रोपचित्रौ चित्राक्षश्चारुश्चित्रः शरासनः 3.3.32.
तेषामंशाः क्रमाज्जाता अभिनंदनदेहजाः सुनंदश्च सुरानन्दः प्रनंदः कौरवांशकः
नृपः परिहरवंशीयो मायावर्मा महाबली
दुर्मदो दुर्विगाहश्च नंदश्च विकटाननः
ऊर्णनाभः सुनाभश्च चोपनंदश्च कौरवाः ।। तेषामंशाः क्रमाज्जाताः सुता अंगपतेः स्मृताः
मत्तः प्रमत्त उन्मत्तः सुमत्तो दुर्मदस्तथा
शुक्लवंशीयभूपालो मूलवर्मा समागतः
अयोबाहुर्महाबाहुश्चित्रांगश्चित्रकुण्डलः
दृढवर्मा दृढक्षत्रः पूर्वजन्मनि कौरवाः
बलश्च प्रबलश्चैव सुबलो बलवान्बली
कैकयश्चंद्रवंशीयो लक्षसैन्यसमन्वितः 3.3.32.
भीमवेगो भीमबलो बलाकी बलवर्द्धनः
जरासंधः सत्यसंधः पूर्वजन्मनि कौरवाः
कामः प्रकामः संकामो निष्कामो निरपत्रपः
नागवंशीयभूपालो नागवर्मा समागतः
पूर्वजन्मनि यन्नाम्ना तन्नाम्ना कौरवा भुवि
उग्रश्रवा उग्रसेनः सेनानीर्दुष्परायणः
दृढहस्तः सुहस्तश्च सुतास्ते नागवर्मणः
मद्रकेशः समायातस्तोमरान्वयसंभवः