दर्शनं देहि मे शीघ्रं नो चेत्प्राणांस्त्यजाम्यहम् 3.3.23.
कृत्वा लज्जां पुनः प्राह मां च पुत्रं गृहाण भोः
पतित्वा तच्चरणयो रुरोदोच्चैश्च दंपती
इंदुलेनैव लिखितं गृहीत्वा पत्रमुत्तमम्
सूर्यवर्मा गतो गेहं मकरंदेन मानितः
ययौ मनोरथारूढो यत्राह्लादः शुचान्वितः
देवसिंहं च मां विद्धि तव पुत्रान्वेषणे रतम्
इति श्रुत्वा स आह्लादश्चा ह्लादं परमाप्तवान्
महीपतिं समाहूय वचनं प्राह नम्रधीः
स होवाच श्रुतं वीर कृष्णांशेन यथा हतः
अह्लादः क्रोधताम्राक्षः केशाना कृष्य तं मुदा 3.3.23.
श्रुत्वा परिमलो राजा सपत्नीकस्समागतः
अरे धूर्त महापापिन्मद्बंधुर्घातितस्त्वया
तदा महीपतिर्दुःखी निःश्वासो मौनमास्थितः
एतस्मिन्नंतरे वीरो बलखानिः समागतः
स चकार विवाहार्थमुद्योगं भ्रातृजस्य वै
तारकश्च तमायातस्सार्द्धं शूरसहस्रकैः
तालनश्च ततः प्राप्तो लक्षसैन्यसम न्वितः
ब्रह्मानंदः स्वयं प्राप्तस्त्रिलक्षबलसंयुतः
हा बंधो क्व गतस्त्वं वै मां त्यक्त्वा पुरुषाधमम्
बलखानिस्तु बलवाँल्लक्षसैन्यसमन्वितः 3.3.23.
अहोरात्रप्रमाणेन मासैकः पथि वै गतः व्यूहः स्वकीयसैन्यानां रचितो बलखानिना
एको रथः स्थितो युद्धे तत्पश्चात्संस्थिता गजाः
तेषां पश्चात्क्रमाज्ज्ञेया पत्तयो दश संस्थिताः
एको रथो गजास्सर्वे शतार्द्धं तु हयास्तु ये
पञ्चायुतानि सेनायां सर्वे पदचराः स्मृताः
गजास्तु दशसाहस्रा मदमत्ताः पृथग्ययुः
अभिनन्दनभूपस्य म्लेच्छाः पैशाचधर्मिणः
एकलक्षः पदचरा भुशुण्डीपरिघायुधाः गजस्थास्तत्र संप्राप्ता यत्राह्लादमहा चमूः
तयोश्चासीन्महद्युद्धं तुमुलं रोमहर्षणम्