मार्गप्राप्ताश्च ये भूपा ग्रामपा राष्ट्रपास्तथा
ये भूपा मदमत्ताश्च जित्वा तांस्तालनो बली 3.3.18.
पूजयित्वा च रामेशं रामेण स्थापितं शिवम्
नलिनीसागरं प्राप्य तत्र वासमकारयन्
आर्य्यसिंह महाभाग स्वपोतान्देहि तीर्णकान् नो चेत्त्वां सबलं जित्वा राष्ट्रभंगं करोम्यहम्
इति श्रुत्वा पत्रवचो भूपतिर्बलवत्तरः
इन्दुलः स्तंभनं मंत्रं संस्थाप्य शर उत्तमे
दिवसे सुखशर्मा च त्रिलक्षैः स्वदलैः सह
निशामुखे च संप्राप्ते शक्रपुत्रो महाबलः। शतपुत्रैः क्षत्रियाणां सार्द्धं युद्धाय चाययौ
तेषां हया हरिद्वर्णा योगिवेषधरा बलात् तत्पश्चाद्गेहमासाद्य तदा तैः सुखितोऽवसत्
एवं जाताश्च षण्मासास्तयोर्युद्धं हि सेनयोः
संप्राप्य मानसीं पीडां युद्धार्थं विमुखोऽभवत्
देवसिंहं समाहूय त्रिकालज्ञं महामतिम् श्रुत्वोवाच महायोगी देवसिंहो महाबलः
महेंद्रतनयः कश्चित्सर्वशस्त्रास्त्रकोविदः रात्रौ स्वयं समागम्य करोति बलसंक्षयम्
अतस्त्वं मत्सहायेन तालनेन समन्वितः विजयी भव शीघ्रं हि नो चेद्यायां यमक्षयम्
इति श्रुत्वा वचस्तस्य देवसिंहस्य भाषितम् सेनां निवेशयामास पोतेषु हयवाहनः
अर्द्धं सैन्यं च तत्रैव स्थापयित्वा महाबलः
हयारूढाश्च ते शूराः सर्वे युद्धसमन्विताः
हत्वा ते रक्षिणः सर्वाँल्लुंठयित्वा पुरं शुभम्
राज्ञोऽन्तः पुरमागत्य कृष्णांशो बलवत्तरः सप्तालिभिर्वृतां रम्यां गीतनृत्यविशारदाम् ।। 3.3.19.
बलाद्दोलां समारोप्य लुंठयित्वा रिपोर्गृहम्
बलखानिस्तु बलवान्देवतालनसंयुतः
सुखवर्माणमागत्य सेनाध्यक्षं रिपोः सुतम्
हते तस्मिन्महावीर्ये जयन्तः क्रोधमूर्च्छितः
श्यालं च सुखवर्माणं संजीव्य स्वगृहं ययौ
विस्मितः स ययौ गेहं यथा पूर्वं तथाविधः
आर्य्यसिंहगृहं गत्वा पृष्टवान्सर्वकारणम्
रुरोद सुभृशं वीरो हा प्रिये मदविह्वले
इत्येवं रोदनं कृत्वा वडवोपरि संस्थितः एकाकी स ययौ क्रुद्धो निशि यत्र स्थितो रिपुः
एतस्मिन्समये वीरो बलखानिर्महाबलः 3.3.19.