द्वौ तु दद्यात्त्र्यंबकाय तथा धनंजयाय च
सहस्रे चैव विंशांगे अनिष्टाय दशांशकम् 2.3.20.
तत्रानिष्टे पंचशतं तस्यार्धं ग्रहवाग्यतः ।। एकत्रिंशद्भवेन्मानम् ( ३१) अन्येषां तु चतुर्दश (१४)
ग्रहाधिकं होमयुगं तत्र भागे प्रकल्पयेत्
ग्रहेभ्यश्चैव पंचांगं तत्र वांगं परानपि
अधिकं च भवेत्षष्टिर्दशमे भागशेषतः
चतुःशतं ग्रहाणां च तथा सप्तशताधिकम्
तिथ्यंगभागः शेषेण ग्रहे सप्तशताधिकम्
ग्रहांगे यः स्थितो भागो युगलं भागशेषतः
शांतिके पौष्टिके काम्ये यदीच्छेत्सुखमात्मनः
त्र्यहसाध्ये विधानं यत्पुरैवोदीरितं द्विजाः
पूर्वस्मिन्दिवसेऽनिष्टे सहस्रं त्रिशतोत्तरम् ( १३००) ।। इतरेषां ग्रहाणां च प्रत्येकं तु शतं शतम्( १००) ।। 2.3.20.
अधिप्रत्यधिदेवानां पंचाशद्धोम उच्यते ।। प्रथमेह्नि प्रदद्याच्च मिलित्वा त्रिसहस्रकम्( ३०००)
द्वितीयदिवसेऽनिष्टे द्विसहस्रमुदाहृतम् ( २०००) ।। प्रति ग्रहेभ्यस्त्रिशतं दद्यादष्ट शताधिकम्( १०८)
उपग्रहेभ्यो दद्याच्च षोडशभ्यो यथाक्रमम्
एवं द्वितीयदिवसे मिलित्वा षट्सहस्रकम् ( ६०००)
तत्प्रत्येकं ग्रहाणां च द्वाचत्वारिंशदुच्यते
तृतीयदिवसे दद्यान्मिलित्वैकसहस्रकम् ( १०००)
धनंजयाय होमैकमेकं चायुतमुच्यते
ग्रहाणां त्रिसहस्रं तु पंचानां च सहस्रकम्
त्र्यंबकाय तथा दद्यात्तथा धनंजयाय च नवश्लोकशतोद्भूतं संपूर्णं स्याद्भविष्यकम्
संहतौ तु दितिर्ज्ञात्वा कश्यपं समपूजयत्
द्वादशाब्दांतरे स्वामी कश्यपो भगवानृषिः सा तु श्रुत्वा नमस्कृत्य वचनं प्राह हर्षिता
अदितिर्मम या देवी सपत्नी पुत्रसंयुता
तदवर्यसुते नैव विष्णुना सुरपालिना
देहि मे तनयं स्वामिन्द्वादशादित्यनाशनम्
ब्रह्मणा निर्मितौ लोके धर्माधर्मौ परापरौ
अधर्मपक्षास्तु नरा वैरिणस्तस्य धीमतः
अतो धर्मप्रिये शुद्धं कुरु तस्मान्महाबलः
इति श्रुत्वा दितिर्देवी कश्यपाद्गर्भमुत्तमम्