निवेष्टनं ततः कुर्याद्वृक्षस्य द्विजसत्तमाः
व्रीहींश्च वापयेत्तत्र उत्तराभिमुखस्तथा
शिवं च नायकं कुर्यादादित्यान्पत्रमूलके
वनपालं च सोमं च सूर्यं पृध्वीमनुक्रमात्
यक्षेभ्यो माषभक्तं च वायनानि च द्वादश 2.3.10.१० कांचनं कांस्यपात्रं च तांबूलं ताम्रपात्रकम्
अथ रात्रिप्रतिष्ठां च वक्ष्ये शास्त्रानुसारतः
पूर्वेद्युरुपवाहे तु वृक्षमूले घटं न्यसेत्
कलशान्पञ्च वा सप्त गंधतैलैरलंकृतान्
सूत्रैः संवेष्टनं कृत्वा वस्त्रमाल्यैरनंतरम्
विष्णुसूक्तेन च पुनः सिंदूरांजनचंदनम्
हुनेत्पंचाहुतीस्तत्र यूपं दद्यात्समुत्सृजेत्
बलिं च पायसेनैव प्रकुर्यात्कर्णवेधनम्
दद्यादर्घ्यं हुनेत्पूर्णं भोजयेद्द्विजदंपती
सद्वृक्षप्रतिष्ठाविधानवर्णनम् पूगाम्रादिफलैर्युक्तं वास्तुं कृत्वा यजेत्तु यः
षष्टिवर्षसहस्राणि स्वर्गलोके वसेच्चिरम्
नित्यं निर्वर्त्य विधिवत्पंच विप्रान्समर्चयेत्
अग्निकार्यं ततः कृत्वा दद्याद्विप्राय दक्षिणाम्
मण्डपप्रतिष्ठाविधानवर्णनम् तृणकाष्ठस्य च विभो तृणवत्तस्य च द्विजाः
अधिवासस्य पूर्वेद्युः शुभे लग्ने घटं न्यसेत्
प्रोक्षयेत्कुशतोयेन आपोहिष्ठेति वै ऋचा
आकृष्णेनेति तैलेन श्रीश्च ते इति चंदनम्
ततः प्रभाते विमले श्राद्धं वृद्ध्यात्मकं चरेत्
मध्ये वेद्यंतरे चैव राजभिर्मडलं लिखेत्
गणेशं च ग्रहांश्चैव दिक्पालांश्च घटेऽर्चयेत्
आदित्यस्य तथा विष्णोः सोमस्य द्वादशाहुतीः
तत उत्सृज्य विधिवद्वाक्यमेतदुदीरयेत्
वास्तोष्पतिं च तत्रैव पूजयेद्गन्धचन्दनैः 2.3.12.
( ॐ अद्येत्यादि ब्राह्मणादिसर्वसत्त्वेभ्यो विष्णुप्रीणनार्थमिमं मण्डपं सुपूजितं सूर्यदैवतं शैलेयेष्टकादिभिः सर्वसत्त्वेभ्यो रचितं श्रुतिस्मृत्युक्तफलप्राप्तिकामनया अमुकऋषिसगोत्रः अमुकदेवशर्माहमुत्सृजे त्रिगुणेन निशाक्तैर्वा वेष्टयेद्वारिधारया
दक्षिणां विधिवद्दद्यात्सूर्यायार्घ्यं निवेदयेत्
घटे गणेशं वरदं वरं कृत्वा समुत्सृजेत्