दधिभक्तं बलिं दद्यात्पञ्चगव्यसमुद्भवम्
शुद्धकांञ्चनवर्णाभां वराभयकरां शुभाम्
स्योना पृथिवीति मन्त्रेण पूजयित्वा यथाविधि 2.3.1.
वामतो विश्वकर्माणं शुद्धस्फटिकसंनिभम्
विश्वन्निति ऋचा तं च बलिं च मधु पिष्टकम्
एकैकं होमयेत्पश्चा त्पृथिवीहोमकर्मणि
समुत्सृज्य ततः सेतुमिमं मन्त्रं पठेत्ततः
ये चात्र प्राणिनः संति रक्षां कुर्वति सेतवः
गर्तं कृत्वा पञ्चरत्नं संस्थाप्यं तदनन्तरम्
आचार्याय ततो दद्यादिष्टां च वरदक्षिणाम्
पोटिकां च ततः शय्यां दद्यादिष्टार्थसिद्धये
तेषां पार्श्वद्वयेप्येवमारामे च पृथक्पृथक् ।। 2.3.1.
गोप्रचारवैशिष्ट्यवर्णनम् यजेद्विष्णुं सल क्ष्मीकमुपचारैः पृथग्विधैः
उपचारैश्च ब्रह्माणं रुद्रं चैव करालिकाम्
होमं चैव यथा विष्णोः कमलायास्त्रयंत्रयम्
एकैकामाहुतिं दद्याल्लाजादिषु पृथक्पृथक्
त्रिहस्तमात्त्रं रचितं कुर्यान्नागफणान्वितम्
लाजासंयुक्तविधिना विश्वेषामिति सञ्जपन्
भौमायेति चतुर्थं च ततो यूपं निवेदयेत्
संपूज्य रुद्रं पञ्चांगं धान्यं वस्त्रं च दक्षिणाम्
गोप्रचारे च शैलेयं यूपं हस्तद्वयान्वितम्
यूपं च चैत्रवृक्षं च कुण्डलीमठपीठिकाम् 2.3.2.
चतुर्हस्तप्रमाणेन शतकुण्डेन संमितम्
भूमौ रत्नं च संस्थाप्य इमं मन्त्रमुदाहरेत्
गोभ्य एषा मया भूमिः सम्प्रदत्ता शुभार्थिना
स मुक्तः सर्वपापेभ्यो विष्णुलोके महीयते
तावद्वर्षसहस्राणि स्वर्गलोके महीयते
सेतुं कृत्वा दक्षिणतः पश्चिमेंगाररोपणम्
ततः सहस्रधारां च शस्येन परिपूरिताम्
नगरग्रामपूर्वे वा उत्तरे पश्चिमेपि वा