बलिं च लोहितं दद्यात्पायसं दधिखंडकम्
श्वेतांबरधरं श्वेतं शुक्लगंधानु लेपनम्
नानाभरणसंपन्नं सिद्धगंधर्वसेवितम्
इमं देवा इति मंत्रेण स्थापयेत्पूर्वदिग्दले
पायसैः श्वेतबलिभिर्दधिभक्तं निवेदयेत्
रक्तमाल्यांबरं देवं रक्ताभरणभूषितम्
किरीटकुंडलधरं मेषकंठं चतुर्भुजम्
सर्वकामप्रदं देवं सिद्धगंधर्वसेवितम्
अग्निमीळेतिमंत्रेण स्थापयेदग्निदिग्दले 2.2.19.
धूपै रक्तपताकाभिर्गुडभक्तनिवे दनैः
रौहिणेयं महाकायं नीलनीरजलोचनम्
खङ्गचर्मधरं तद्वद्गदापरशुधारिणम्
नानाभरणसंपूर्णं मृगेन्द्रवरवाहनम्
पूजयेद्गन्धपुष्पाद्यैः पीतगंधानुलेपनैः
पीतवर्णं गुरुं ध्यायेत्पीतपद्मासनस्थितम्
वरदं दंडहस्तं च साक्षसूत्रकमंडलुम्
बृहस्पतय इति मंत्रेण नैर्ऋत्यां दिशि संस्थितम्
धूपैः पीतपताकाभिः पीतोदकनिवेदनैः
ध्यायेच्छुक्रं भृगुसुतं श्वेतपद्मासनस्थितम् 2.2.19.
महाबाहुं विशालाक्षं साक्षसूत्रकमंडलुम्
सिंहासनगतं देवं नीलेन्दीवरलोचनम्
नानादैत्येन्द्रपुत्रांश्च पाठयन्तं मुहुर्मुहुः
एवं ध्यात्वा भृगुश्रेष्ठं जपन्नन्नात्परिस्रुतम्
सितचंदनवस्त्रैश्च धूपमाल्यानुलेपनैः
पूजयेत्परया भक्त्या पुंडरीकाक्षतैरपि
इन्द्रनीलनिभं श्यामं दिव्य बाणधनुर्धरम्
नीलांबरधरं नीलपद्ममालोपशोभितम्
शन्नोदेवीति मंत्रेण वायव्यां दिशि विन्यसेत्
धूपैर्नीलपताकाभिर्बलिभिर्माषमिश्रितैः 2.2.19.
द्विभुजं भीमकायं च धूम्राक्षं धूम्रवाससम्