एह्येहि भगवन्वरुण एष यज्ञः प्रवर्तते
एवमावाह्य लोकेशमष्टौ मुद्राः प्रदर्शयेत्
पुष्पाञ्जलिं ततो दत्त्वा मूलमंत्रेण देशिकः
सत्त्वाद्याः पूजयेत्तत्र तेषामेव वरांगनाः
पूर्वादिपत्रमध्ये तु ग्रहानष्टौ प्रपूजयेत्
कर्णिकादक्षिणे पूर्वं वामे चापि शचीपतिम्
नैर्ऋत्ये वरुण स्याथ मध्येऽनंतं प्रपूजयेत्
विष्णुं चापि गणेशं च पृथिवीं गंधचन्दनैः
जानुभ्यामवनीं गत्वा विजयाख्यस्तवं पठेत् 2.2.19.
नैर्ऋत्यां विश्वकर्माणं वायव्ये तु सरस्वतीम्
आवहं प्रवहं चैव तथैवोद्वहसंवहौ
विन्यसेदुत्तरद्वारि मरुतं च पराभवम्
पिशाचान्राक्षसान्भूतान्वेतालांश्च तथा क्रमात्
गोमुखो नन्दभद्रश्च द्विजिह्वो मलिनस्तथा
भूमिदो वरदश्चैव जयंतः क्षोभकस्तथा
अंगदो नीलकर्णोऽसौ वसंतो यावकस्तथा
गंधपुष्पाक्षतैर्भक्तं सर्वे देवा ग्रहादयः
ध्यायेदादित्यमारक्तं रक्तपद्मासनस्थितम्
यवविद्रुमसंकाशं सिंदूरारुणसप्रभम् 2.2.19.
इहागच्छेति चावाह्य पाद्यार्घ्यैश्च पृथग्विधैः
बलिं च लोहितं दद्यात्पायसं दधिखंडकम्
श्वेतांबरधरं श्वेतं शुक्लगंधानु लेपनम्
नानाभरणसंपन्नं सिद्धगंधर्वसेवितम्
इमं देवा इति मंत्रेण स्थापयेत्पूर्वदिग्दले
पायसैः श्वेतबलिभिर्दधिभक्तं निवेदयेत्
रक्तमाल्यांबरं देवं रक्ताभरणभूषितम्
किरीटकुंडलधरं मेषकंठं चतुर्भुजम्
सर्वकामप्रदं देवं सिद्धगंधर्वसेवितम्
अग्निमीळेतिमंत्रेण स्थापयेदग्निदिग्दले 2.2.19.
धूपै रक्तपताकाभिर्गुडभक्तनिवे दनैः