नारायणस्वरूपेण यज्ञं मे सफलं कुरु
ऋग्वेदार्थस्य तत्त्वज्ञ इन्द्ररूप नमोऽस्तु ते
यजुर्वेदार्थतत्त्वज्ञ ब्रह्मरूप नमोऽस्तु ते 2.2.17.
मांगल्यं कर्मणां नित्यं सर्वज्ञं ज्ञानरूपि णम्
पालय त्वं दिशः सर्वा विदिशश्च तथा इमम् न संकल्पं चरेद्यागं व्रतं देवार्चनं तथा
संकल्पमूलः कामो वै यज्ञाः संकल्पसंभवाः
फलं चाल्पाल्पकं तस्य धर्मस्यार्द्धक्षयो भवेत्
कामात्परो नैव भवेन्निष्कामोऽपि न शोभनः
संकल्पेन विना यस्तु धर्मं चरति मानवः
न कुर्यात्स्थापने चैव कुर्याद्वै मंडलांतरे
जलाशयारामकूप संकल्पे पूर्वदिङ्मुखः
यज्ञीयपात्रपुटकं हस्तस्थाने प्रकीर्तितम् 2.2.17.
आकाशे निक्षिपेद्यागे व्रते ईशेपि नित्यके
शुक्तिकांस्यादिहस्तैश्च ताम्ररौप्यादिभिस्तथा
प्रणवं पूर्वमुच्चार्य यजेद्यज्ञेश्वरं स्मरेत्
सूर्यः सोमो यमः कालो महाभूतानि पंच च
इत्युच्चार्य न्यसेद्धर्मं ध्यात्वा पुष्पाञ्जलिं सृजेत्
धर्मः शुभ्रवपुः सितांबरधरः कार्योर्ध्वदेशे वृषो हस्ताभ्यामभयं वरं च सततं रूपं परं यो दधत्
यज्ञसंबंधिविप्रांश्च एकाहेनैव योजयेत्
पुनःपुनर्नियोज्यानि ब्राह्मणा हविरग्नयः
योगस्थापनदेवप्रतिष्ठापनवर्णनम् देवादिसंस्थापनमा हुरत्र यावन्न सुप्तो मधुसूदनश्च
वारे भृगोर्देवगुरोर्बुधस्य सोमस्य सर्वाः शुभदा भवंति
शुद्धा द्वितीया च तथा तृतीया त्रयोदशी चापि तथैव विप्राः
प्राणप्रतिष्ठा च जलाशयादेरेताः प्रशस्तास्तिथयो भवंति
षडशीतिलोकाप्ययनद्वयेन युगादिके पुण्यादिने शुभे च
सुचारु ईषत्प्रवणे च देशे सुवर्तुलः षोडशहस्तमंडपः
पूर्वादिद्वारेषु चतुष्टयेषु प्लक्षादिभिस्तोरणकैः सुरेशः
ऊर्ध्वे च हस्तानमितानि यानि विचित्रमाल्यांबरभूषितानि
सर्वत्र यागेपि हि मंडपस्य कार्या ध्वजा दिक्षु विदिक्षु शुभ्राः
ध्वजाश्च यस्मिन्दशहस्तसम्मितास्तस्मिन्पताका अपि पञ्चहस्ताः 2.2.18.