ऋषिर्हारीत इत्युक्तो जगतीच्छन्द ईरितम्
मित्रं ध्यायेच्छुक्लवर्णं वराभयकरं परम्
ऋषिरौतथ्य इत्युक्तो जगती छन्द ईरितम्
पीतास्यं राजयक्ष्याणं करालं च विचिंतयेत्
दध्यङ्ङाथर्वण ऋषिर्गायत्री छन्द ईरितम् 2.2.11.१ १
शुक्लांबरधरं ध्यायेद्द्विभुजं शिखिवाहनम्
ऋषिः स्यान्नारदः प्रोक्तश्छन्दोनुष्टुप्प्रकीर्तितम्
एवं ध्यात्वा विवस्वंतं महाकायं महोदरम्
काश्यपोस्य ऋषिश्छन्दस्त्रिष्टुब्देवः शचीपतिः
बहिरीशानकोणेषु देवादीन्परिपूजयेत्
पीतां करालिकां ध्यायेच्चरकीं वरवर्णिनीम्
पीतिन्यरूपमन्त्रेण पूजयेद्भूतिमिच्छुकः
ध्यायेद्विदारिकां रक्तां नवयौवनसंयुताम्
ऋषिर्गर्गः समाख्यातस्त्रिष्टुप्छन्दोस्य देवता
पापादिराक्षसीं ध्यायेत्सौरभेयोपरिस्थिताम् 2.2.11.
ऋषिः सुवर्ण आख्यातः पङ्क्तिश्छन्दः प्रकीर्तितम्
कुण्डवेद्या अंतरे च स्थापवेद्विधिवद्बुधः
वल्मीके संगमे चैव राजद्वारचतुष्पथात्
इन्द्रवल्ली तथाक्रांत अमृती त्रपुषस्य च
पारिभद्रस्य पत्रैश्च परितः परिवेष्टनम्
श्रीफलं बीजपूरं च नालिकेरं च दाडिमम्
पञ्चरक्तं सुवर्णं च निक्षिपेद्वरुणं यजेत्
उद्वर्तन इति मन्त्रेण वरुणं च पुनर्यजेत्
अस्य मंत्रस्य च ऋषिर्विष्णुश्छन्द उदाहृतम्
पञ्चगंधान्विनिक्षिप्य हस्तं दत्त्वा पठेत्ततः ।। 2.2.11.
सर्वे समुद्राः सरितः सरांसि च महाह्रदाः
गंगाद्याः सरितः सर्वास्तीर्थानि जलदाः नदाः
अघोराज्यष्टककृता वास्तोष्पतय इत्यपि
शतार्धं वा हुनेद्विप्रस्तिलैर्वा तंडुलैः सह
पयोदध्यादिभिर्वापि मध्वाज्यैर्वा विशिष्यते