असुरं कृष्णं नागहारान्वितं पद्मासनस्थं ध्यात्वा
रोगं कृष्णं नीलेन्दीवरधरं श्वेतवृषभारूढं ध्यात्वा
वायुकोणादारभ्य पूजयेत् देवा इति मन्त्रस्य बृहती छन्दो यमो देवता नागप्रीतये विनियोगः
श्वेतं सोमं श्वेतवर्णासनस्थं ध्यात्वा भद्रबीजेन पूजयेत्
रक्तं भल्लाटं पीतवाससं ध्यात्वा वह्निबीजेन पूजयेत्
रक्तां दितिं नागहारान्वितां रक्तपद्मासनस्थां ध्यात्वा
मानो त्वा इति मंत्रस्य भार्गव ऋषिः पंक्तिश्छन्दः पृथिवी देवता दितिप्रीतये विनियोगः
अदितिं पीतवर्णां सिंहारूढां पीतांबरधरां ध्यात्वा 2.2.10.
एवं यथा विधायाथ होमं कुर्याद्यथाविधि
तडागयागपक्षे तु सुवर्णं चार्धमेव वा
पूजाक्रमवर्णनम् उत्तरे पश्चिमे वाथ पूर्वे चापि समाचरेत्
नदीतीरे नेमिप्रांते दशद्वादशसंख्यया
त्रिभागं विभजेत्क्षेत्रं मध्यभागद्वयेन तु
उत्तराशे दक्षिणे चारत्निहस्तांतरेऽपि च
मूले सार्धं च शुक्लां च मेखलां तु तथैव च
षट्सप्तांगुलिकां योनिं पश्चिमे मेखलोपरि
श्राद्धं वृद्ध्यात्मकं कुर्यात्संकल्पं मानसं चरेत्
गयाश्राद्धार्थकं चाष्टतीर्थश्राद्धार्थमेव च
मध्ये कुण्डे महांश्चैव विष्णुदेवं दिगीश्वरान्
प्राणायामं विधायाथ भूतशुद्धिं समाचरेत् 2.2.11.
श्वेतं चतुर्भुजं शांतं कुण्डलाद्यैरलंकृतम्
पितृवैश्वानरोपेतं कुटिलभ्रूपशोभितम्
thumb|500px|वास्तुपुरुष thumb|500px|वास्तुपुरुषः. मूर्धन्यग्निं समाविश्य मुखे वायुः समाहितः
वक्षस्थले ऽपरां संध्यां यजेच्चैव यथाविधि
सर्पेन्द्रावासनस्थौ च वामे दक्षं विभावयेत्
रुद्रश्च राजयक्ष्मा च वामहस्ते व्यवस्थितौ
उभौ ज्ञेयौ तथा जान्वोरुभौ गन्धर्वपुष्पकौ
जयशक्रौ तथा मेढ्रे पदयोः पितरस्तथा
मन्दरं दीर्घयुक्तेन षडङ्गानि समाचरेत्
वास्त्वीशाय विद्महेति तन्नो विष्णुः प्रचोदयात् 2.2.11.