गार्ग्यस्य गार्ग्यसामुंच तथांगिरस एव च
वशिष्ठस्य च वासिष्ठं च तथांगिरस एव च
जाह्वकर्णभवकर्णौ प्रवरौ परिकीर्तितौ
तदुत्तमेति त्रितयं मित्रावरुणस्य च त्रयम्
कमंडलोत्पलमित्रामित्रावरुण एव च 2.2.9.
च्यवनस्य तथा ज्ञेयमूर्वच्यवनाप्लवायनम्
आगस्त्यस्य अगस्तिश्च माहश्च च्यवनेति च
ये नोक्ता ये ऽप्यविज्ञातास्ते प्रोक्ताः काश्यपाज्जगत्
इति श्रीभविण्ये महापुराणे मध्यम पर्वणि द्वितीयभागे नवमोऽध्यायः
वास्तुयागवर्णनम् thumb|500px|वास्तुपुरुष thumb|500px|वास्तुपुरुषः. अंकुरार्पणकं कृत्वा मध्ये कुर्याच्च मंडलम्
त्रिहस्ता पिंडिका कार्या चतुरस्रा उदक्प्लवा
मध्ये संमार्जयेद्विद्वान्पादान्नव यथाक्रमात्
पञ्चकं युग्मपादेन चतुर्दिक्षु ततः परम्
चतुष्कोणं बहिः कुर्यात्कोणे चापि चतुष्टयम्
चत्वारिंशत्पञ्चयुता मिलित्वा वास्तुदेवताः
सूर्यः सत्यो वृषश्चैव आकाशं वायुरेव च
गन्धर्वो मृगराजस्तु मृगाः पितृगणास्तथा
असुरः पशुपाशौ च रोगो हि मोक्ष एव च
बहिर्द्वादश इत्येतानीशानादीन्यथाक्रमम् 2.2.10.
आपश्चैवाथ सावित्रो जयो रुद्रस्तथैव च
मित्रोऽथ राजयक्ष्मा च सप्तमः पृथिवीधरः
पूर्वादिषु तथा पूज्या गन्धपुष्पैः पृथग्विधैः
मिलित्वा ऊनपञ्चाशदुत्तमा वास्तुदेवताः
बहिः कोणे चरक्यादि चरकं च विदारिकाम्
स्वैःस्वैर्मंत्रैश्च गंधाद्यैः पूजयेत्कुसुमादिना
रेखाः सर्वत्र शुक्लेन पद्मं रक्तेन भावयेत्
देववर्णानथो वक्ष्ये यथावदनुवर्णिताः
पीतः शुक्लश्च धर्मश्च पूषा रक्तः प्रकीर्तितः
पीतो भृंगः पुनः शुक्लः कृष्णः शुक्लस्तथैव च 2.2.10.
धूम्रपीतो रक्तपीतः शुक्लः कृष्णश्च श्यामकः