अनन्तस्य व्रतं वक्ष्ये सर्वपापप्रणाशनम्
द्वादश्यां पूजिते शक्रे ध्वजके वास्तुयष्टिषु
कृत्वा दर्भमयानन्तं वारिधान्यान्वितं तथा
चतुर्दश फलैर्मूलैर्जलजैः कुसुमैरपि
कृत्वा पूपाह्वयं तस्मै दद्यादेकं श्रुतेक्षितम्
चतुर्दशग्रन्थियुतं कुंकुमेन विलेपितम्
अतः प्रेत चतुर्दश्यां भोजयित्वा तपोधनान्
ततः प्रेतकथां श्रुत्वा शाकैर्नक्तं समाचरेत्
मानमात्रादिकं कृत्वा सर्वपापैः प्रमुच्यते ।। 2.2.8.
माघे मासि वटापायः कस्य पापं पुनीमहे
संभवेत्फाल्गुने मासि या च कृष्णा चतुर्दशी
दिवा तस्या अलाभे तु रात्रियोगे व्रतं चरेत्
तिथियोगे च शर्वर्यां संपूर्णे व्रतमाचरेत्
प्रहरेप्रहरे स्नानं स्वयं स्नात्वा शिवस्य च
अथ वक्ष्यामि चैत्रादिमासे तु पूर्णिमा यथा महाचैत्रीति सा ज्ञेया पूर्णिमाक्षयपुण्यदा
विशाखादिषु भेदेषु पूर्णचन्द्रो गुरुश्चरेत्
महाज्यैष्ठी विशेषोऽयं प्राजापत्ये यथा रविः
विनापि गुरुणा चन्द्रः कृत्तिका पूर्णिमा तथा
रोहिण्यां तु स्थितश्चन्द्रः पौर्णमास्यां तु कार्त्तिके 2.2.8.
चित्रा वा यदि वा पूर्णा यदा स्यात्पूर्णिमातिथिः
रविणा कृत्तिकायोगाद्रविवारे च पूर्णिमा
एवं गुरौ गुरोर्योगे महाचैत्री प्रकीर्तिता
सर्वमक्षयतां याति फलं चैवाश्वमेधिकम्
भरण्यां कार्त्तिके मासि यदि स्यात्पूर्णिमा तिथिः
शालग्रामे महाचैत्री कृतपुण्या महातिथिः
पुरुषोत्तमे महाज्यैष्ठी महाषाढी तु शृंखले
महाभाद्री बदर्यां च कुजोऽपि स्यान्नरस्तथा
महती मार्गशीर्षे स्यादयोध्यायां तथोत्तरे
महाफाल्गुनी नैमिषे च निर्दिष्टाः स्युर्महाफलाः ।। 2.2.8.
अत्र स्म विहितं कर्म शुभं वा यदि वाशुभम्