न तु पूर्वाह्णमध्याह्नपराह्णेषु यथोचितम् 2.2.7.
एको हि कालः प्रातस्तु वृद्धिश्राद्धादिसाधने
देवेभ्यो ब्रह्मणा दत्तः पूर्वाह्णस्तिथिभिः सह
पूर्वाह्णमात्रसंप्राप्तौ ततो देवान्प्रपूजयेत्
खर्वा दर्पा तथा हिंस्रा तिथिश्च त्रिविधा भवेत्
हिंस्रा तु क्षयजा ज्ञेया कालभेदेन गृह्यते
शुक्लपक्षे परा ग्राह्या कृष्णे पूर्वा प्रशस्यते
यथावास्ते रविर्भाति घटिका दश वापि वा
शुक्ले वा यदि वा कृष्णे खर्वा दर्पा तिथिश्च या 2.2.7.
दिनद्वयेऽपि कुतपे अस्तगां तिथिमाश्रयेत् व्रते च वृद्धिगामिन्यां यत्रोदयो रवेर्भवेत्
अमावास्यपार्वणे च सा तिथिः पितृपूजने
अस्तगामितिथिर्यत्र सा तिथिः पितृमंदिरम्
शुक्लपक्षे च कृष्णे च यो योगः परपूर्वयोः सा पूज्या च स्वकृत्येषु पक्षयोरुभयोरपि
पूज्या हि व्यस्तं संत्यज्य पूर्वं चैकादशीयुगम्
एता उपोष्यास्तिथयः पुण्याः स्युर्धर्मवेदिभिः
बाणेन विद्धा या षष्ठी मुनिविद्धा तथाष्टमी
अमावास्या भूतविद्धा नोपोष्या मुनिनापि च
विद्धा ये नाभिनिन्द्याः स्युर्युक्तास्तेनाभिनन्दिताः
तामस्तां तु तिथिं प्राप्य युग्मान्यपूज्यतामियुः 2.2.7.
नक्तादिव्रतयोगे तु दिवासंवर्द्धमर्करान्
रात्रियोगं विनापि स्यादेकादश्यादिकं व्रतम्
एकादश्युपवासं तु द्वादशीयोगतश्चरेत्
रात्रियोगे तु संपूर्णा सोपास्यैकादशी सदा
निशि तु स्याद्यदा षष्ठी सप्तमी नवमी दिवा
एवं त्रयोदशीं कृष्णां विधिप्राप्तां विना द्विजाः
दिवा त्रयोदशीयुक्ता कृष्णोपोष्या चतुर्दशी
त्रिसंध्यव्यापिनी प्राप्य यदि कुर्यादुपौषणम्
चतुर्दशीमतिक्रम्य सिनीवाल्यां तु पारणात्
सप्तमी ललिता भाद्रे शक्तोत्थानं च वारुणी 2.2.7.
त्रिसंध्याव्यापिनी पूर्वे परतो वर्द्धते यदि