मासांतरे तु पतिते तस्मिन्नेव मलिम्लुचे
वर्ज्यं मासिकया श्राद्धमेकं तस्मिंस्त्रयोदशे
कुर्यात्पत्याब्दिकं कर्म प्रयत्नेन मलिम्लुचे
तीर्थस्नानमलभ्यं तत्तदाद्यं देवदर्शनम्
आर्तवर्जं पुंसवनं पुत्रादिमुखदर्शनम् 2.2.6.
मलमासेपि कुर्वीत नृपाणामभिषेचनम्
मंत्रोपासां रहस्यं च महादानं सुमङ्गलम्
उपग्रहं गवादीनामाश्रमांतरसंक्रमम्
वर्षवृद्धिवृषोत्सर्गकन्या द्विर्नयनादि च
एवमस्तं गते शुक्रे वृद्धबाल्ये च संत्यजेत्
द्विसप्ततिर्दिनान्यस्य महास्तं पूर्वतो भवेत्
ऊनपञ्चाशदधिकं दिवसानां शतद्वयम्
एकर्क्षे गुरुणा युक्तो यावत्तिष्ठति भार्गवः
ऋक्षभेदे त्वेकराशौ संपर्के यदि वानयोः
सिंहे राशौ स्थिते सूर्ये जीवे चास्तमुपागते 2.2.6.
मिथुनस्थे यदा भानौ मलमासः पतत्यसौ
फलं चात्र मृतस्यौर्ध्वदेहिकं कर्म कुर्वता
आषाढद्वयसंयुक्तपूर्णमासीद्वयं तथा
भवेद्गौणो द्विराषाढो राशिस्तत्रैव संयुते
कर्कटे शयनं कुर्यादागमिष्यं परत्रके
दुर्गोत्थानं तुलायां तु विष्णुर्निद्रां जहात्यसौ
तिथिविधानवर्णनम् काले तान्येव कर्माणि फलं यच्छंति कुर्वताम्
मुहुर्बाल्ये कर्मफलं त्रिकालेऽपि न विद्यते
कालस्तु गुणभावेन सर्वकालाश्रिता क्रिया
अतः कालं प्रवक्ष्यामि निमित्तं कर्मणामिह । काले ह्यमूर्तिर्भगवानेक एव तु यद्यपि
तिथिनक्षत्रवारादौ रात्रियोगादयोपि ये साधनानि भवन्त्येते स्वातन्त्र्येण न कस्यचित्
धर्मस्य वाप्यधर्मस्य मुख्यो व्यापार एव सः
पालयन्स्वर्गमाप्नोति हित्वा प्राप्नोत्यधोगतिम्
कालभागो निःसहायो येऽपि स्युः कर्मसाधनाः
एकोद्दिष्टं तु मध्याह्नव्यापिन्यां हि समाचरेत्