पुराणत्रितयं चान्ये वीर्यहीने द्वयं भवेत्
द्वात्रिंशच्च पुराणं स्याद्वृषे नीले तथैव च
मूल्यं श्रीफलमात्रेऽपि पुराणत्रितयं भवेत्
धात्रीफलस्य प्रत्येकं भवेद्रजतमा षकम् 2.2.3.
मूल्यदानवर्णनम् कामहोमे भवेन्मुष्टिर्मुष्टयोष्टौ तु कुञ्चिका
एकैक कुञ्चिमानेन कुर्यात्पात्राणि वै सदा
सिद्धानां खड्गधाराणां प्रत्येकस्य दिनक्रमात्
कुण्डानां कुड्मलानां च वेदनं यादृशं शृणु
द्वे रौप्ये सर्वतोभद्रे क्रौञ्चघ्राणे चतुर्थकम्
सहस्रारे मेरुपृष्ठे तुर्यरौप्यवृषाधिकम्
चतुरस्रस्य निर्माणे स्वर्णपादः कलौ युगे
पद्मकुण्डे तु वृषभमर्ध चन्द्रे तु रौप्यकम्
षडस्रे तु तदर्धं स्याद्यागे माषद्वयं भवेत्
दारणे हस्तमात्रं स्यात्स्वर्णकृष्णकलं भवेत् 2.2.4.
खण्डे दशवराटं स्याद्बृ हन्माने तु काकिणी
सप्तहस्तमिते कुण्डे निष्ठे आबद्धमात्रकम्
वर्धयेत्पणमात्रेण निम्ने पत्रे च प्रक्रमात्
शैले ज्ञेयं काञ्चनस्य रत्तिका गृहकर्मणि
वृक्षाणां रोपणे दद्यात्प्रत्यह्ना सार्धमाषकम्
पणेपणे तु ताम्रस्य दद्यात्पणचतुष्टयम्
अथ वा दिनसंख्यानं पणैकं च सकाकिणि
रजते तु तदर्धं स्यात्स्फटिकस्य च दारणे
मणिवेधे मणौ ज्ञेयं काकिणी परिकीर्तिता
कांस्यतालस्य निर्माणे धमने तु पणत्रयम् 2.2.4.
गवां च दोहने चैव वराटे तुर्यवेतनम्
अविवस्त्रस्य निर्माणे स्यंदनं दशकाकिणी
दश काकिणी ऊर्ध्वाधस्तद्व्यये पण्यवेतनम्
लोहकारस्य च तथा नापितस्य च वेतनम्
सश्मश्रुनखमाने तु प्रदद्यात्काकिणीद्वयम्
सकाकिणि पणं तच्च सवित्रे च पयोधरे