विलोमे दलसन्धीनि पूरयत्सुविचक्षणः
पूर्वपश्चिमदिग्भागे शुक्लं स्याद्द्वारदेशतः
त्रिस्थाने सममध्ये च द्वादशांगुलप्रक्रमात्
पञ्चाब्जमण्डलं ज्ञेयं चतुःस्वस्तिकभूषितम् ।। 2.2.2.
मूल्यकथनवर्णनम् अमानेन हतो यज्ञस्तस्मान्मानं प्रशस्यते
यस्य यज्ञस्य यन्मानं तत्तु तेनैव योजयेत्
आचार्यहोतृब्रह्माणो विधिज्ञः सहकर्तृकः
अशीतिभिर्वराटैश्च पण इत्यभिधीयते
राजतैश्चाष्टभिः स्वर्णं यज्ञादौ दक्षिणा स्मृता
तुलस्यामलकीयागे सुवर्णैकं प्रचक्षते
नवमे कोटिहोमे च देवतानां च स्थापने
तडागे पुष्करिण्यां च अर्धार्धं परि कीर्तितम्
जीवतश्च वृषोत्सर्गे गयाश्राद्धे तथैव च
दंपत्योश्च वृषोत्सर्गे मानमेकमुदाहृतम् 2.2.3.
राज्ञः करग्रहे चैव दीक्षायां दान कर्मणि
ग्रहयागे प्रतिष्ठायां सुवर्णशतरत्तिकः
देवानां ब्राह्मणानां च दानं यस्य प्रकल्पितम्
नानास्य किञ्चिद्दातव्यं संगभंगो भवेद्यतः
यज्ञेषु होमे यद्द्रव्यं काष्ठमाज्यादिकं च यत्
अनादिदेवतार्चायां पूजास्नानादिकर्मणि
प्रत्यक्षं दक्षिणां दद्याद्यज्ञदानव्रतादिके
अतो दत्तं पुरा दत्तं दातव्यं चैव संप्रति
दत्तानि विधिवत्पुंसां देवदानानि यानि हि
दातव्यान्यपि तान्येव कारयेत्परिवर्त्तनम् 2.2.3.
वरणं च कदा कुर्यात्तन्त्रे कुर्याच्च दक्षिणाम्
कांचनस्य भवेद्रौप्यं रौप्ये कांचनमुद्विशेत्
पानीयस्य तु पानीयं व्रीहीणां व्रीहिदक्षिणा
पशूनां च चतुष्पादा देवस्य देवदक्षिणा
आचार्यस्यैव भागैकं यजमानः प्रदास्यति
पात्राणामृत्विगादीनां भागत्रयमुदाहृतम्