अष्टास्रमष्टकोणाद्यं बहिः पद्मवनं कृतम्
त्र्यस्रगर्भं पङ्कजं च त्र्यस्रं तत्परिकीर्तितम्
महामहामेरुपृष्ठं शतत्रयच्छदैर्वृतम्
दंडिश्रवणसंपन्न ६० माकाशं वसुसंमितम् ।। 2.2.2.
शतविंशाधिकं चैव १२० दलानि तदनन्तरम्
शुक्लेन पङ्कजं तत्र पश्चात्कुर्यात्त्रिवेष्टनम्
स्थंडिले कुशहस्ते च पूर्ववद्वेष्टयेत्क्रमात् ।। वसु ८ पञ्चकला १६ पञ्चविंशकं २५ तन्नपत्रकात्
चत्वारिंशत्ततः पश्चा ४० दष्टोत्तरशतं १०८ भवेत्
विलोमे दलसन्धीनि शाक्ते शैवे तु षट्पुरम्
रक्तपीतैः समास्तीर्य कोणाञ्छुक्लेन पूरयेत्
मंडलं बिंबराजस्य अष्टोत्तरदलैर्वृतम्
त्र्यृतुपत्रं सुवृत्तं स्याद्वृत्तयुक्तं सबिल्वकम्
शतं विंशाधिकशतं द्विशतं विंशमुत्तमम्
लवल्याभमथो वक्ष्ये सार्द्धहस्तप्रमाणतः 2.2.2.
दक्षिणोत्तरतश्चैव तद्वदेव विजानीहि
ग्रहपक्षेन्नपीतेन मध्ये रक्तं प्रतिष्ठितम्
सशांतिके न योक्तव्यं कामे रक्तं विनिर्दिशेत्
शुक्लवर्णेन तत्कुर्यात्पीतवर्णमुदस्य च
पूर्वस्यां दिशि शुक्रस्य पङ्कजं शुभ्रवर्णकम्
राहोः प्रकल्पयेत्तच्च केतोरपि नियोजयेत्
विलोमे दलसन्धीनि पूरयत्सुविचक्षणः
पूर्वपश्चिमदिग्भागे शुक्लं स्याद्द्वारदेशतः
त्रिस्थाने सममध्ये च द्वादशांगुलप्रक्रमात्
पञ्चाब्जमण्डलं ज्ञेयं चतुःस्वस्तिकभूषितम् ।। 2.2.2.
मूल्यकथनवर्णनम् अमानेन हतो यज्ञस्तस्मान्मानं प्रशस्यते
यस्य यज्ञस्य यन्मानं तत्तु तेनैव योजयेत्
आचार्यहोतृब्रह्माणो विधिज्ञः सहकर्तृकः
अशीतिभिर्वराटैश्च पण इत्यभिधीयते
राजतैश्चाष्टभिः स्वर्णं यज्ञादौ दक्षिणा स्मृता
तुलस्यामलकीयागे सुवर्णैकं प्रचक्षते