दशदंडसमाकारं त्रिवर्णं प्रतिरंजितम्
पीतेनारं च सर्वत्र तन्मध्ये शोणतुंडकम्
न शूद्रो मंडलं कुर्यान्न कुर्याद्ब्राह्मणब्रुवः 2.2.1.
लिखित्वा नार्चयेद्य स्तु अग्निकार्यविहीनकः
क्रौञ्चमानवर्णनम् क्रौञ्चमानं प्रवक्ष्यामि यथावेदार्थवादिनाम्
आत्मनोऽरत्निमानेन द्विगुणं परिकल्पयेत्
चतुष्टयं न्यसेद्वृत्तं मध्यमाधमभावतः
तृतीये पद्मपत्राणि चतुर्थे षोडशच्छदाः
तद्दक्षिणाग्रं सुलिखेत्पार्श्वयोः पक्षकद्वयम्
शुक्लं पीतं तथा रक्तं कृष्णं लोहितसन्निभम्
शुक्लं तंडुलचूर्णोत्थं पीतं तु निशया स्मृतम्
कृष्णं पुलकादिदग्धं रक्तं पीतास्ययोगतः
ताम्रवर्णं कुसुंभेन श्यामलं बिल्वपत्रजम्
सर्वरेखासु विभजेच्छुक्लं मध्ये तु पीतकम् 2.2.2.
पूर्वादिक्रमयोगेन शुक्लादीनि प्रयोज येत्
ततः षोडशपत्रेषु पूर्वादिक्रमतो भवेत्
श्यामलं कुंकुमाभं च रक्तं शुक्लं च कृष्णकम्
एवं दद्याद्द्विजः पूर्वे ईशानांतं विभावयेत्
तुंडभागे भवेत्पीतं ग्रीवायां शुक्लमेव च
षडंगुलेष्वंडभागे पीतेन परिकल्पयेत्
तत्र पीतादिकं लेख्यं पूर्वोक्तं च यथा भवेत्
चतुरंगुलके पादे जानोरूर्ध्वे तु पीतकम्
द्व्यंगुलेन भवेच्छ्याममंगुलीष्वपि विन्यसेत्
पदे शुद्धं चांगुलीषु रक्तं श्यामेन भावयेत् 2.2.2.
दक्षिणोत्तरतश्चैव रक्तवर्णं विनिर्दिशेत्
कनिष्ठं सर्वयज्ञेषु विद्यानां सप्तमुत्तमम्
रक्तपीतं रक्तपीतैः कुर्यात्पुच्छचतुष्टयम्
सुलिखेन्मूलसंलग्नं बहिष्कोणचतुष्टयम्
त्रिवृत्तं वेष्टयेत्पश्चात्सितरक्तासितैः क्रमात्
पीतं वा विलिखेद्विप्रा नश्यंति सकलापदः