अश्वाग्निर्मंथरो नाम रथाग्निर्जातवेदसः
तोयाग्निर्वरुणोनाम ब्राह्मणाग्निर्हविर्भुजः
दीपाग्निः पावको नाम गृह्याग्निर्धरणीपतिः
इति श्रीभविष्ये महापुराणे मध्यमपर्वणि प्रथमभागेऽग्निनामवर्णनंनाम सप्तदशोऽध्यायः
होमद्रव्यकथनम् प्रमाणे चाप्रमाणे च निष्फलं भवति धुवम्
कर्षमात्रं घृतं होमे शुक्तिमात्रं पयः स्मृतम्
मुष्टिमानेन पृथुका लाजाः स्युर्मुष्टिसंमिताः
त्रितोलकं गुडं विद्यादिक्षुपर्ववि धिर्भवेत्
एकलग्ने न जुहुयान्न पृथग्जुहुयात्क्वचित्
एकैकशश्च पद्मानां जलजानां तथैव च
वसंतकं धात्रिमाने मोदकस्य प्रमाणतः
अष्टधा नालिकेरस्य पनसं दशधा भवेत्
उर्वारुकं चाष्टधा च गुडूची चतुरंगुलम्
अन्यत्र बदरीमानं तिंदुकं च त्रिधा कृतम् 2.1.18.
भूर्जपत्रं च गृह्णीयाच्छमीं प्रादेशमात्रिकाम्
मरिचाः स्युर्विमा नेन मृणालं चाथ मूलकम्
चंदनागुरुकर्पूरकस्तूरीकुंकुमानि च
समिदाप्लवने त्र्यंगतिलानामपि मध्यतः
एवं व्रीहिप्लावने च काष्ठवदि क्षुदंडकम्
पायसान्ने तथान्ने च मोदके पिष्टकेऽपि च
बिल्वपत्रस्य प्लवनं दंडं हित्वा च प्लावयेत्
बिल्वपत्रस्य पूर्वार्धप्राप्तमात्रेण योज येत्
न द्वित्रिप्लवनं कुर्यात्कृत्वा याति रसातलम्
पूर्वाशाभिमुखो भूत्वा पावयेच्च यथाक्रमात् 2.1.18.
पायसान्यन्यदेवेषु यत्नेन परिव र्जयेत्
कनिष्ठांगुलिमासाद्य प्रकुर्यात्पर्वभूषणम्
अंगुलैर्द्वित्रिचतुरैः पत्रहोमाकृतिक्रमात्
स्रुवदर्वीनिर्णयवर्णनम् स्रुवे प्रशस्तास्तरवः सिद्धिदा यागकर्मणि
प्रतिष्ठायां प्रशस्तास्तु धात्रीखदिरकेशराः
संप्राशे यः स्रुवः प्रोक्तः संस्कारे यज्ञसाधने