देवीदेवा मुदं यांति यस्य सम्यक्समागमात्
त्वं विष्णुस्त्वं हि ब्रह्मा च ज्योतिषां गतिरीश्वर
देवतानां पितॄणां च सुखमेकं सनातनम् 2.1.16.
त्वमेकः सर्वभूतेषु स्थावरेषु चरेषु च
नमोऽस्तु यज्ञपतये प्रभवे जातवेदसे
हुताशन नमस्तुभ्यं नमस्ते रुक्मवाहन
इत्यनेन तु मन्त्रेण दद्याद्दिव्येऽप्यधीतकम्
अग्निवर्णनम् यथावेदानुसारेण यथाग्रहण योजनम्
शतार्धे वह्निरुद्दिष्टः शतार्धे काश्यपः स्मृतः
सहस्रे ब्राह्मणो नाम अयुते हरिरुच्यते
वरुणः शांतिके ज्ञेयो मारणे ह्यरुणः स्मृतः
लोहितश्चान्नयज्ञे यो ग्रहाणां प्रत्यनुक्रमात्
प्रजापतिर्वास्तुयागे मंडपे चापि पद्मके
गोदाने च भवेद्रुद्रः कन्यादाने तु गोऽजकः
वृषोत्सर्गे भवेत्सूर्योऽवसानांते रविः स्मृतः
त्रासने च भवेत्कालः क्रव्यादः शरदाहने
गर्भाधाने च मरुतः सीमंते पिंगलः स्मृतः 2.1.17.
नामसंस्थापने चैवमुपन्यस्ते च पार्थिवः
षडाननश्च चूडायां व्रतादेशे समुद्भवः
उदरे जठराग्निश्च समुद्रे वडवानलः
अश्वाग्निर्मंथरो नाम रथाग्निर्जातवेदसः
तोयाग्निर्वरुणोनाम ब्राह्मणाग्निर्हविर्भुजः
दीपाग्निः पावको नाम गृह्याग्निर्धरणीपतिः
इति श्रीभविष्ये महापुराणे मध्यमपर्वणि प्रथमभागेऽग्निनामवर्णनंनाम सप्तदशोऽध्यायः
होमद्रव्यकथनम् प्रमाणे चाप्रमाणे च निष्फलं भवति धुवम्
कर्षमात्रं घृतं होमे शुक्तिमात्रं पयः स्मृतम्
मुष्टिमानेन पृथुका लाजाः स्युर्मुष्टिसंमिताः
त्रितोलकं गुडं विद्यादिक्षुपर्ववि धिर्भवेत्
एकलग्ने न जुहुयान्न पृथग्जुहुयात्क्वचित्
एकैकशश्च पद्मानां जलजानां तथैव च