प्रासादमानमथवा अथवा सर्वलक्षणम्
देवागारस्य यद्द्वारं तस्मादष्टांगुलेन तु
अंगुलं वै भवेद्वृद्धिरशीतिश्चतुरुत्तरा
मुखत्रिभागे चिबुकं ललाटं नासिकां तथा
नयने द्व्यंगुले स्यातां त्रिभागा तारका भवेत्
ललाटमस्तकग्रीवं कुर्यात्तत्सममेव तु
तुल्यौ नासिकया ग्रीवा मुखेन हृदयांतरम्
बाहू च बाहुतुल्यौ च ऊरू जंघे च जाघनम् षडंगुलस्तु विस्तारस्तुल्यांगुष्ठोंऽगुलत्रयम् ।। 2.1.12.
प्रदेशिनी च तत्तुल्या हीना शेषान्नखानखम्
एवं लक्षणसंयुक्ता सा पूज्या प्रतिमा शुभा
गंडं च नियतं मूर्तौ कुर्यादंगसमुन्नतेः
सवितानल पत्रस्य चारुविद्याधरस्तथा
अभ्यंगपदबन्धादि सामान्येनोपशोभि च
कराभ्यां कांचनीं मालां प्रोद्वहंतीं शिरोरुहान्
सुस्निग्धां वरदां सौम्यां द्वितीयाश्रमिणामिमाम्
नृसिंहः पञ्चतालः स्याद्धयग्रीवस्तु पंचमः
नवताला भवेद्दुर्गा लक्ष्मीश्चैव त्रितालिका
दक्षिणे वासुदेवस्य करे चक्रं प्रतिष्ठितम् 2.1.12.
तदधश्च भवेत्पद्मं श्रीवत्सेनोपशोभितम्
पार्श्वे नलिनसिंहौ द्वौ सुभद्रां दक्षिणे न्यसेत्
कृतांजलिपुटस्थश्च नारदः कपिलस्तथा
यदुग्रं वासुदेवस्य तथा नारायणस्य च
तीर्थे गिरौ तडागे च समीपे स्थापयेत्सुधीः
अविमुक्ते विशेषण सिद्धक्षेत्रे दशार्णके
कुलानि पूर्वं विप्रेंद्राः समुद्धरति नान्यथा
चंदनागुरुभिः कुर्याद्बिल्वश्रीपर्णिकस्य च
कुण्डनिर्माणविधिवर्णनम् तस्योद्धारं च संस्कारं शृणुध्वं द्विजसत्तमाः
चतुरस्रं च वृत्तं च पादार्धं चार्धचंद्रकम्
सप्तार्धं च नवार्धं च कुंडं दशकमीरितम्
भ्रामयेच्चोर्ध्वतस्तस्या भस्मांगाराणि यत्नतः