अल्पवित्तस्तु कुर्वीत यथाशक्त्या विधानतः
शालेयतंदुलानां च कुंभांश्च परिविन्यसेत्
वेष्टयेच्छुक्लवासोभिरिक्षुदंडफलादिकैः
अधिवासनपूर्वं च तद्वद्धोमं सुरार्चनम्
विष्कंभपर्वतांस्तद्वदृत्विग्भ्यः शांतमानसः
संयोगाद्घृतमुत्पन्नं यस्मादमृततेजसे
तस्मात्तेजोमयं ब्रह्म घृते नित्यं व्यवस्थितम्
अनेन विधिना दद्याद्घृताचलमनुत्तमम् 4.201.
हंससारससंयुक्ते किंकिणीजालमालिते
विहरेत्पितृभिः सार्द्धं यावदाभूतसंप्लवम्
आज्याचलं प्रचलकुंडलसुन्दरीभिः संसेव्यमानमिह ये वितरंति मर्त्याः
इति श्रीभविष्ये महापुराण उत्तरपर्वणि श्रीकृष्णयुधिष्ठिरसंवादे घृताचलदानविधिवर्णनं नामैकाधिकद्विशततमोऽध्यायः
रत्नाचलदानविधिवर्णनम् यत्प्रदानान्नरो याति लोकान्सप्तर्षिसेवितान्
मुक्ताफलसहस्रेण पर्वतः स्यादनुत्तमः
अल्पवित्तस्तु कुर्वीत मुक्ताफलशतेन च
पूर्वेणवज्रगोमेदैर्दक्षिणेनेंद्रनीलकैः
वैडूर्यविद्रुमैः पश्चात्सावित्रो विपुलाचलः
धान्यपर्वतवच्छेषमत्रापि परिकल्पयेत्
पूजयेत्पुष्पनैवेद्यैः प्रभाते तु विसर्जनम्
यथा देवगणाः सर्वे सर्वरत्नेष्ववस्थिताः
यस्माद्रत्नप्रदानेन तुष्टिमेति जनार्दनः
अनेन विधिना यस्तु दद्याद्रत्नमयं गिरिम् 4.202.
यावत्कल्पशतं साग्रमुषित्वेह नराधिप
ब्रह्महत्यादिकं किंचिदत्र चामुत्र वा कृतम्
मुक्तामयं कनकविद्रुमभक्तिचित्रं चंचन्महामणिमरीचिचयोपपन्नम्
इति श्रीभविष्ये महापुराण उत्तरपर्वणि श्रीकृष्णयुधिष्ठिरसंवादे रत्नाचलदानविधिवर्णनं नाम द्वयधिकद्विशततमोऽध्यायः
रौप्याचलदानविधिवर्णनम् यत्प्रदानान्नरो याति सोमलोकं नरोत्तम
सहस्रेण पलानां तु उत्तमो रजताचलः
अशक्तो विंशतेरूर्ध्वं कारयेद्भक्तितः सदा
पूर्ववद्राजतान्कुर्यान्मंदरादीन्विधानतः