पश्चात्तिलाचलमनेकसुगन्ध पुष्पसौवर्णपिप्पलहिरण्ययहंसयुक्तम्
संस्थाप्य तं विपुलशैलमथोत्तरेण शैलं सुपार्श्वमपि माषमयं सुवप्रम्
माक्षीकभद्रकरसावचयेन तद्वद्रौ प्येण भास्वररसैश्च युतं विधाय
पूर्वेण हस्तमुखमत्र विधाय कुंडं कार्यस्तिलैरथ घृतेन समित्कुशैश्च
त्वं सर्वदेवगणधामनिधे च विघ्नमस्मद्गृहेष्वमरपर्वत नाशयाशु
त्वमेव भगवानीशो ब्रह्मा विष्णुर्दिवाकरः
यस्मात्त्वं लोकपालानां विश्वमूर्तेश्च मंदिरम् 4.195.
यस्मादशून्यममरैर्गंधर्वैश्च शिरस्तव
एवमभ्यर्च्य तं मेरुं मन्दरं चापि पूजयेत्
शोभसे मन्दरक्षिप्रमतस्तुष्टिकरो भव
गन्धर्वैरप्सरोभिश्च गीयमानं यशोऽस्तु मे
हिरण्यमयपाषाणस्तस्माच्छांतिं प्रयच्छ मे
सुपार्श्व राजसे नित्यमतः श्रीरक्षयास्तु मे
स्नात्वा तु गुरवे दद्यान्मध्यमं पर्वतोत्तमम्
गावो देयाश्चतुस्त्रिंशदथवा दश भारत
एकापि गुरवे देया कपिला सुपयस्विनी
य एव पूजने मंत्रास्त एवोपस्करे तथा 4.195.
स्वमंत्रेणैव सर्वेषु होमः शैलेषु शस्यते
विधानं सर्वशैलानां क्रमशः शृणु भारत
अन्नं ब्रह्म यतः प्रोक्तमन्ने प्राणाः प्रतिष्ठिताः
अन्नमेव यतो लक्ष्मीरन्नमेव जनार्दनः
अनेन विधिना यस्तु दद्याद्धान्यमयं गिरिम्
अप्सरोगणगंधर्वैराकीर्णेन विराजता
पुण्यक्षये राजराज्यमाप्नोतीह न संशयः
धान्याचलं कनकवृक्षविराजमानं विष्कंभपर्वतयुतं सुरसिद्धजुष्टम्
लवणपर्वतदानविधिवर्णनम् यत्प्रदानान्नरो लोकमाप्नोति शिवसंयुतम्
उत्तमः षोडशद्रोणः कर्तब्यो लवणाचलः
वित्तहीनो यथाशक्त्या द्रोणादर्धं तु कारयेत्
विधानं पूर्ववत्कुर्याद्ब्रह्मादीनां च सर्वदा
शिरांसि कामदेवादींस्तद्वत्तत्र निवेशयेत्