मध्यमः पंचशतिकः कनिष्ठः स्यात्त्रिभिः शतैः
मेरुर्महाव्रीहिमयस्तु मध्यसुवर्णवृक्षत्रयसंयुतः स्यात्
यः स्याच्च गारुत्मतनीलरत्नैः सौम्येन वैडूर्यसरोजरागैः
ब्रह्माथ विष्णुर्भगवान्पुरारिर्दिवाकरोऽप्यत्र हिरण्मयः स्यात्
शुक्लांबरोऽन्यश्च सुराचलः स्यात्पूर्वेण कृष्णानि च दक्षिणेन
रौप्या महेंद्रप्रमुखास्तथाष्टौ संस्थापयेल्लोकपतीन्क्रमेण
वितानकञ्चोपरि पञ्चवर्णमम्लानपुष्पाभरणं सितं वा 4.195.
तुरीयभागेन चतुर्दिशं च संस्थापयेत्पुष्पविलेपनाद्यान्
कामेन कांचनमयेन विराजमानमाकारयेत्कुसुमवस्त्रविलेपनाढ्यम्
याम्येन गंधमदनोत्र निवेशनीयो गोधूमसंचयमयः कलधौतजो वा
पश्चात्तिलाचलमनेकसुगन्ध पुष्पसौवर्णपिप्पलहिरण्ययहंसयुक्तम्
संस्थाप्य तं विपुलशैलमथोत्तरेण शैलं सुपार्श्वमपि माषमयं सुवप्रम्
माक्षीकभद्रकरसावचयेन तद्वद्रौ प्येण भास्वररसैश्च युतं विधाय
पूर्वेण हस्तमुखमत्र विधाय कुंडं कार्यस्तिलैरथ घृतेन समित्कुशैश्च
त्वं सर्वदेवगणधामनिधे च विघ्नमस्मद्गृहेष्वमरपर्वत नाशयाशु
त्वमेव भगवानीशो ब्रह्मा विष्णुर्दिवाकरः
यस्मात्त्वं लोकपालानां विश्वमूर्तेश्च मंदिरम् 4.195.
यस्मादशून्यममरैर्गंधर्वैश्च शिरस्तव
एवमभ्यर्च्य तं मेरुं मन्दरं चापि पूजयेत्
शोभसे मन्दरक्षिप्रमतस्तुष्टिकरो भव
गन्धर्वैरप्सरोभिश्च गीयमानं यशोऽस्तु मे
हिरण्यमयपाषाणस्तस्माच्छांतिं प्रयच्छ मे
सुपार्श्व राजसे नित्यमतः श्रीरक्षयास्तु मे
स्नात्वा तु गुरवे दद्यान्मध्यमं पर्वतोत्तमम्
गावो देयाश्चतुस्त्रिंशदथवा दश भारत
एकापि गुरवे देया कपिला सुपयस्विनी
य एव पूजने मंत्रास्त एवोपस्करे तथा 4.195.
स्वमंत्रेणैव सर्वेषु होमः शैलेषु शस्यते
विधानं सर्वशैलानां क्रमशः शृणु भारत
अन्नं ब्रह्म यतः प्रोक्तमन्ने प्राणाः प्रतिष्ठिताः