तृतीयायां महाराज राधां स्वर्णमयीं शुभाम्
जीरकं कटुकं चैव गुडं पार्थेषु दापयेत्
पुष्पधूपैः सनैवेद्यैः पूजयित्वा द्विजातये
प्रासादा यत्र सौवर्णा नद्यः पायसकर्दमाः
स्वर्गादिहैत्य संसारे सुरूपः सुभगो भवेत्
नारी वा तद्गुणैर्युक्ता भवतीह न संशयः
कामयित्वांकुशयुतं तिलद्रोणोपरि न्यसेत्
ततस्तु ब्राह्मणे दद्याद्गणेशः प्रीयतामिति 4.193.
वारणाः सप्त जन्मानि भवंति मदविह्वलाः
पंचम्यां पन्नगं चैव स्वर्णेनैकेन कारयेत्
द्विजं संपूज्य वासोभिः प्रणिपत्य क्षमापयेत्
नागोपद्रवविद्रावि सर्वदुष्टनिबर्हणम्
षष्ठ्यां शक्तिसमोपेतं कुमारं शिखिवाहनम्
तंडुलेनाथ शिखरे वासोभिः पूज्य भक्तितः
पूजयित्वा गंधपुष्पधूपैनैवेद्यतस्तथा
इह भूतिं परां प्राप्य प्रेत्य स्वर्गे महीयते
सप्तम्यां भास्करं पूज्य ब्राह्मणानश्वमुत्तमम्
सूर्यलोकमवाप्नोति सूर्येण सह मोदते 4.193.
अष्टम्यां वृषभं श्वेतमव्यंगांगं धुरंधरम्
दद्यात्प्रणम्य विप्राय प्रीयतां वृषभध्वजः
दानेनानेन नृपते शिवलोको न दुर्लभः
तस्माद्वृषभदानेन दत्ता भवति भारती
मुक्ताफलाष्टकयुतं नीलवस्त्रावगुण्ठितम्
द्विजातिप्रवरायेत्थं सर्वान्कामान्समश्नुते
हिंसकास्तं न हिंसंति दानस्यास्य प्रभावतः
पुण्यक्षयादिहाभ्येत्य राजा भवति धार्मिकः
लवणे च गुडे क्षीरे निष्पावेषु तिलेषु च
संपूज्य वस्त्रपुष्पाद्यैर्द्विजाय प्रतिपादयेत् 4.193.
निर्वापयति राजेंद्र तस्य पुण्यफलं शृणु
सकलास्तस्य सर्वाशा याः काश्चिन्मनसेच्छिताः