पितुस्तुल्यं कृतं राज्यं परातंसस्तदात्मजः
पितुस्तुल्यं कृत राज्यं समातंसस्तु तत्सुतः 3.1.3.
पितुस्तुल्यं कृतं राज्यमधितंसस्ततोऽभवत्
पितुस्तुल्यं कृतं राज्यं समुत्तंसस्ततोऽभवत्
पितुस्तुल्यं कृतं राज्यं दुष्यंतस्तनयस्ततः
पितुस्तुल्यं कृतं राज्यं दुष्यंतः स्वर्गतिं गतः
महामायाप्रभावेन षट्त्रिंशद्वर्षजीवनम्
तस्य नाम्ना स्मृतः खंडो भारतो नाम विश्रुतः
दिव्यं वर्षशतं राज्यं तस्माज्जातो महाबलः
दिव्यं वर्षशतं राज्यं तस्माद्भवनमन्युमान्
बृहत्क्षेत्रस्ततो ह्यासीत्पितुस्तुल्यं कृतं पदम्
वीतिहोत्रस्तस्य सुतो राज्यं दशसहस्रकम् 3.1.3.
शक्रहोत्रस्ततो जातः पितुस्तुल्यं कृतं पदम्
तदायोध्यापतिः श्रीमान्प्रतापेंद्रो महाबलः
मंडलीकस्तस्य सुतः पितुस्तुल्यं कृतं पदम्
धनुर्दीप्तस्तस्य सुतः पितुस्तुल्यं कृतं पदम्
हस्तीनाम सुतो जात ऐरावतसुतं गजम्
आरुह्य पश्चिमे देशे हस्तिनानगरी कृता
राज्यं दशसहस्रं च तत्र वासं चकार सः
तस्माजातो रक्षपालः पितुस्तुल्यं कृतं पदम्
तस्य पुत्रः कुरुर्नाम पितुरर्द्धं कृतं पदम्
तदा सात्त्वतवंशेऽस्मिन्वृष्णिर्नाम महाबलः 3.1.3.
भगवतो वरदानेन हरेरद्भुतकर्मणः
निरावृत्तिस्तस्य सुतः पितुस्तुल्यं कृतं पदम्
वियामुनस्तस्य सुतः पितुस्तुल्यं कृतं पदम्
विकृतिस्तस्य तनयः पितुस्तुल्यं कृतं पदम्
तस्माज्जातो नवरथः पितुस्तुल्यं कृतं पदम्
तस्माज्जातश्च शकुनिः पितुस्तुल्यं कृतं पदम्
तस्माज्जातो देवरथः पितुस्तुल्यं कृतं पदम्
तस्य पुत्रो मधुर्नाम पितुस्तुल्यं कृतं पदम्