मही येन पुरा दत्ता देवराजस्य संगरे
महेन्द्राय महाभाग सर्वं निहतकंटकम्
तावत्तत्राजगामाथ पुलस्त्यो ब्रह्मणः सुतः
दत्तार्घस्तु तदा तेन उपविष्टो वरासने
अथ तं पूजयित्वाग्रे मधुपर्केण पार्थिवः
भगवन्केन दानेन तपसा नियमेन वा
बलं पुष्टिं धनं धान्यं पुत्रपौत्रं तथोत्तमम्
कथ्यमानां मया सम्यक्सप्तमे तव जन्मनि
कथेयमभिनिर्वृत्ता शृणुष्वैश्वर्यवर्द्धिनीम्
बहुभृत्यपरीवारो धनधान्यसमन्वितः 4.191.
तत्र त्वया श्रुता धर्मा धर्माख्यानगतेन वै
प्रसंगेन कदाचिच्च प्रतिष्ठा भौवनी त्वया
फलेन तेन जातोऽसि सप्त जन्मानि भूपतिः
अपराण्यपि जन्मानि सप्त राजा भविष्यसि
एतत्ते सर्वमाख्यातं यन्मां परिपृच्छसि
प्रकरोति विधानेन कृतकृत्यो भवेद्बुधः
ययावदर्शनं तत्र सूर्ये वैश्वानरोपमः
धर्मं विवर्द्धयति कीर्तिं शतानि धत्ते कामं प्रसाधयति पापमपाकरोति
इति श्रीभविष्ये महापुराण उत्तरपर्वणि श्रीकृष्णयुधिष्ठिरसंवादे भुवनप्रतिष्ठावर्णनं नामैकनवत्युत्तरशततमोऽध्यायः
नक्षत्रदानविधिवर्णनम् नक्षत्रदानस्येदानी दानकल्पं प्रचक्ष्व मे
अत्राप्युदाहरंतीममितिहासं पुरातनम्
द्वारकामनुसंजातं नारदं देवदर्शनम्
तस्याः संपृच्छमानाया देवर्षिर्नारदस्ततः
नक्षत्रयोगं वक्ष्यामि सर्वपातकनाशनम्
संतर्प्य ब्राह्मणान्साधूँल्लोकान्प्राप्नोत्यनुत्तमान्
संतर्प्य ब्राह्मणान्साधूँल्लोकान्प्राप्नोत्यनुत्तमान्
दोग्ध्नीं सवत्सां तु नरो नक्षत्रे सोमदैवते
आर्द्रायां कृशरां दत्त्वा तिलमिश्रा समाहितः
पूषान्पुनर्वसौ दत्त्वा घृतपूर्णान्सुपाचितान् 4.192.
पुष्ये तु कांचनं दत्त्वा कृतं वाकृतमेव वा