भुवनप्रतिष्ठावर्णनम् इह लोके परे चैव कीर्तिरत्यद्भुता तथा
सद्गतिं च तथा यांति सर्वे पितृपितामहाः
स्थापनात्सर्वदेवानां कथं स्याद्यदुनंदन
शृणुष्वैकमना भूत्वा गुह्यं परममुत्तमम्
भुवनानां समासेन प्रतिष्ठां कथयामि ते
प्रेताः पिशाचा भूताश्च स्थापिताः स्युर्न संशयः
पुण्ये तिथौ शिवक्षेत्रे दिने सौम्यग्रहान्विते
अभिन्नांगं दृढं शुद्धं शुद्धस्फटिकवर्चसम्
चातुर्वर्ण्यकमानीय विचित्रं चित्रकर्मणि
संपूजयित्वा यत्नेन दिव्यवासोविभूषणैः 4.191.
शंखभेरीनिनादैश्च गीतमंगलनिस्वनैः
आचार्यमपि संपूज्य वासोभिर्भूषणैस्तथा
मध्ये च लेखयेद्राजञ्जंबूद्वीपं सविस्तरम्
दिशासु लोकपालानां पुरोऽष्टौ सुरसंयुताः
सागराः सप्त चात्रैव नद्यो ह्रदाः सरांसि च
ब्रह्मविष्णुशिवादीनां भुवनानि यथाक्रमम्
देवदानवगन्धर्वा यक्ष राक्षसपन्नगाः
सुपर्णाद्याश्च विहगा नागाश्चैरावतादयः
एवंविधं पटं राजन्कारयित्वा सुशोभनम्
तत्तेजसा वृतं भूयो महतोग्रेण सर्वतः 4.191.
भूतादिना तथाकाशं भूतादिर्महता तथा
अव्यक्तं तमसा व्याप्तं तमश्च रजसा तथा
एवमावरणोपेतं ब्रह्मांडमखिलं नृप
एतत्सर्वं पटस्थं तु कृत्वा चित्रमयं सुधीः
पूजयेद्येन विधिना तत्समासेन मे शृणु
तत्र कुण्डानि चत्वारि चतुरस्राणि कारयेत्
यज्ञोपकरणोपेतौ वस्त्राभरणभूषितौ
पटे स्थितानां देवानां मंत्रैरोंकारपूर्वकैः
आचार्येणसमं कुर्यात्पूजामग्रे पटस्य तु
ब्रह्मांडोदरवर्तीनि भुवनानि चतुर्दश 4.191.