पर्वकालं समासाद्य संक्रांतौ ग्रहणेऽपि वा
वलभीभिर्विचित्राभिश्चतुश्चक्रसमन्वितम्
ध्वजे च गरुडं कुर्यात्कूबराग्रे विनायकम्
मध्ये नारायणोपेतं लक्ष्मीपुष्टिसमन्वितम्
नानाफलसमायुक्तमुपरिष्टाद्वितानकम्
कुर्यात्पंचपलादूर्ध्वमाशताच्च नरोत्तम
त्रिःप्रदक्षिणमावृत्य गृहीतकुसुमांजलिः
नमोनमः शंकरपद्मजार्कलोकेशविद्याधरवासुदेवैः
यत्तत्पदं परमगुह्यतमं पुराणमानंदहेतुगणरूपविमुक्तबन्धाः 4.189.
यस्मात्त्वमेव भवसागरसंप्लुतानामानंदभांडचितमध्यगपानपात्रम्
इत्थं प्रणम्य कनकेभरथप्रदानं यः कारयेत्सकलपापविमुक्तदेहः
कृतदुरितवितानातुष्टिसद्वह्निपालव्यतिकरकृतदेहोद्वेगभानोऽपि बंधून्
विश्वचक्रदानविधिवर्णनम् विश्वचक्रमिति ख्यातं सर्वपापविनाशनम्
तपनीयस्य शुद्धस्य विशुद्धात्माथ कारयेत्
तस्याप्यर्द्धं कनिष्ठं स्याद्विश्वचक्रमुदाहृतम्
षोडशारं ततश्चक्रं भ्रमन्नेम्यष्टकावृतम्
शंखचक्रेऽस्य पार्श्वस्थे देव्यष्टकसमावृतम्
अत्रिर्भृगुर्वशिष्ठश्च ब्रह्मा कश्यप एव च
रामो रामश्च कृष्णश्च बुद्धः कल्की च ते दश
चतुर्थे द्वादशादित्या वेदाश्चत्वार एव च
लोकपालाष्टकं षष्ठे दिङ्मातंगास्तथैव च
अन्तरांतरतो देवान्विन्यसेदष्टमे पुनः 4.190.
मंडपं कुण्डमेकं च कारयेद्वस्त्रसंयुतम्
कृष्णाजिनोपरिगतं विश्वचक्रं विधानतः
पूर्णकुम्भाष्टकं तद्वद्वस्त्रमाल्यविभूषितम्
अधिवास्य ततश्चक्रं पश्चाद्धोमं समाचरेत्
होमं कुर्युर्जितात्मानो वस्त्राभरणभूषिताः
चक्रप्रतिष्ठितानां तु सुराणां होम इष्यते
ततो मंगलशब्देन स्नातः शुक्लांबरो गृही
इममुच्चारयन्मंत्रं कृत्वा तत्त्रिःप्रदक्षिणम् परमानंदरूपी त्वं पाहि नः पापकर्दमात्