चतुर्थ्यां वा चतुर्दश्यां विष्ट्यां वा पांडुनंदन
खड्गोद्यतकरो दीर्णो जपा कुसुमकुंडलः
तीक्ष्णासिपत्रधनुषा विस्फारितकटीतटः
गृहीतमांसपिंडश्च वामे करतले तथा
संपूज्य गंधकुसुमैर्नैवेद्यं विनिवेद्य च
स्वगृह्योक्तविधानेन शतमष्टोत्तरं यजेत् 4.181.
ब्रह्मविष्णुशिवादीनां त्वमसाध्योऽसि सुव्रत
पूजितस्त्वं मया भक्त्या प्रार्थितश्च तथा सुखम्
एवं संपूजयित्वा तं ब्राह्मणाय निवेदयेत्
दक्षिणां शक्तितो दद्यात्प्रणिपत्य विसर्जयेत्
नापमृत्युभयं तस्य न च व्याधिकृतं भयम्
देहांते सूर्यभवनं भित्त्वा याति परं पदम् संतत्या च श्रिया युक्तः पुत्रपौत्रसमन्वितः
संपूज्य कालपुरुषं विधिवद्द्विजाय दत्त्वा शुभाशुभफलोदयहेतुभूतः
सप्तसागरदानविधिवर्णनम् सप्तसागरकं नाम सर्वपापप्रणाशनम्
पुण्यं दिनमथासाद्य युगादिग्रहणादिकम्
प्रादेशमात्राणि तथा रत्निमात्राणि वा पुनः
संस्थाप्यानि च सर्वाणि कृष्णाजिनतिलोपरि
द्वितीयं पयसा तद्वत्तृतीयं सर्पिषा पुनः
षष्ठं शर्करया तद्वत्सप्तमं तीर्थवारिणा
केशवं क्षीरमध्ये तु घृतमध्ये महेश्वरम्
शर्करायां न्यसेल्लक्ष्मीं जलमध्ये तु पार्वतीम्
स्थापयेत्पुरुषश्रेष्ठ यथालाभं यथासुखम्
त्रिःप्रदक्षिणमावृत्य मंत्रानेतानुदीरयेत् 4.182.
जंतूनां प्राणदेभ्यश्च समुद्रेभ्य नमोनमः
दध्ना शर्करया तद्वत्तीर्थवारिभिरेव च
अलक्ष्मीः प्रशमं यातु लक्ष्मीश्चास्तु गृहे मम
एकमेवमथाभ्यर्च्य पुष्पवस्त्रविलेपनैः
देयं वा सर्वसामान्यं क्रियाविप्रानुरूपतः
तस्य गृहान्न चलति लक्ष्मीर्यावत्कुलाष्टकम्
देवलोकान्न च्यवते सप्तमन्वतराण्यसौ