दानानि बहुरूपाणि नानाशास्त्रोदितानि च
किं तु प्रधानमेकं ते दानं वक्ष्यामि भारत
आधयो व्याधयश्चैव ग्रहपीडा सुदारुणाः
येन दत्तेन नश्यंति पुण्यमाप्नोति चोत्तमम्
दानमेतत्प्रदातव्यं विषुवे सूर्यसंक्रमे
संस्थाप्य दारुजं दिव्यं हेमपट्टैरलंकृतम् 4.180.
सुवर्णध्वजसंयुक्तं सितासितपताकिनम्
नद्यास्तीरेऽथ वा गोष्ठे विचित्रे वा गृहांगणे
पुराणवेदविद्यावान्विनयाचारसंयुतः
मध्ये ब्रह्मा प्रतिष्ठाप्यः पूजयेत्प्रणवेन तम्
सूक्तेन रुद्रं रौद्रेण दक्षिणस्यां समर्चयेत् पुष्पैर्गंधैः फलैर्भक्ष्यैर्दीपमालाभिरेव च
पूजयेद्गंधकुसुमैः श्वेतवस्त्रैः सचंदनैः
ब्रह्मघोषविमिश्रैश्च कारयेत महोत्सवम्
आग्नेय्यां दिशि राजेंद्र ब्राह्मणांस्तत्र पूजयेत्
चतुरोष्टौ महाराज गुरुरेकोऽथवा भवेत्
अग्निकार्यं ततः कुर्याद्यथावद्विधिपूर्वकम् 4.180.
विष्णवे शितिकण्ठाय मंत्रैः पूर्वोदितैः शुभैः
एवं यज्ञविधिं कृत्वा यजमानो द्विजैः सह
विचित्रतनुसंवीतौ शुभकक्षौ सुघंटिकी
दिव्यमुक्तापरिच्छन्नौ दिव्यांकुशसमन्वितौ
एवं विधिं ततः कृत्वा रथं तं सगजं नरः
भूषितं कण्ठकटकैः कर्णवेष्टांगुलीयकैः
बद्धतूणिं धनुष्पाणिं बहुचर्मविभूषितम्
यजमानस्ततः प्राज्ञः शुक्लांबरधरः शुचिः
इममुच्चारयेन्मन्त्रं सर्वपापप्रणाशनम् सुप्रतीकोंजनः सार्वभौमोऽष्टौ देवयोनयः
तेषां वंशप्रसूतौ तु बलरूपसमन्वितौ 4.180.
ममेभरथदानेन प्रीयेतां शिवकेशवौ
इत्युच्चार्य महाभागे पूजयित्वा पुनःपुनः
स्वदारनिरतं शांतं वेदवेदांगपारगम्
पुनः प्रदक्षिणीकृत्य रथस्थं द्विजसत्तमम्