न व्रतैर्नोपवासैश्च न तीर्थगमनैरपि
प्राप्यते मम लोकोऽयं दुष्प्राप्यस्त्रिदशैरपि
वक्ष्ये कल्पलतादानं शोभनं विधिपूर्वकम्
दिक्पालेभ्यो बलिं तत्र क्षिपेद्वै विधिपूर्वकम्
ततो ग्रहमखं कुर्याद्धोमं व्याहृतिभिस्ततः
ततः सर्वसमीपे तु स्नातः शुक्लांबरः शुचिः ततः प्रदक्षिणीकृत्य मंत्रानेतानुदीरयेत्
नमो नमः पापविनाशिनीभ्यो ब्रह्मांडलोकेश्वरपालनीभ्यः 4.179.
या यस्य शक्तिः परमा प्रदिष्टा वेदे पुराणे सुरसत्तमस्य
एवमुच्चार्य ताः सर्वा ब्राह्मणेभ्यो निवेदयेत्
ततः क्षमापयेद्विप्रान्प्रणिपत्य सदक्षिणान्
तस्य पुण्यफलं राजन्कथ्यमानं निबोध मे
मृतो लोकाधिपपुरे प्रतिमन्वतरं वसेत्
जितसर्वमहीपालश्चक्रवर्ती भवेद्भुवि
सा चक्रवर्तिनं पुत्रं सूते शक्तिसमन्वितम्
शृणोति वाच्यमानं च सोपि प्रेत्य विमुच्यते
याः शक्रवह्नियमनैर्ऋतपाशहस्ता वातेंदुराजशिवकेशवशंभुशक्त्यः
गजरथाश्वरथदानविधिवर्णनम् कानि दानानि देयानि पवित्राणि शुभानि च
अन्यैर्वा पुरुषैः कृष्ण अधर्मभयभीरुभिः
इह लोके परे चैव विहितं सर्वकामदम्
विशेषेण महीपानां हिताय च न संशयः
दानानि बहुरूपाणि नानाशास्त्रोदितानि च
किं तु प्रधानमेकं ते दानं वक्ष्यामि भारत
आधयो व्याधयश्चैव ग्रहपीडा सुदारुणाः
येन दत्तेन नश्यंति पुण्यमाप्नोति चोत्तमम्
दानमेतत्प्रदातव्यं विषुवे सूर्यसंक्रमे
संस्थाप्य दारुजं दिव्यं हेमपट्टैरलंकृतम् 4.180.
सुवर्णध्वजसंयुक्तं सितासितपताकिनम्
नद्यास्तीरेऽथ वा गोष्ठे विचित्रे वा गृहांगणे
पुराणवेदविद्यावान्विनयाचारसंयुतः
मध्ये ब्रह्मा प्रतिष्ठाप्यः पूजयेत्प्रणवेन तम्