दानमेतत्प्रदातव्यं राजतं चैवमुत्तमम्
चतुष्कोणेषु कुर्वीत चतुरः कांचनद्रुमान्
सहस्रेण तदर्द्धेन तस्याप्यर्द्धेन वा पुनः
प्रागुदक्प्रवणे देशे मंडपं तत्र कारयेत् 4.178.
हस्तमात्रप्रमाणेन कुंडमेकं सुशोभनम्
तत्र वै ब्राह्मणा योज्या ऋग्यजुःसामपाठकाः
सर्वाभरणसंपन्नास्ताम्रपत्रद्वयान्विताः
गुडप्रस्थोपरिष्टाच्च स्थापयेत्कल्पपादपम्
कामदेवमधस्ताच्च सकलत्र प्रयोजयेत्
मंदारं दक्षिणे पार्श्वे श्रिया सह तथा घृते
सुरभीसंयुतं तद्वत्तिलेषु हरिचंदनम्
तथाष्टौ पूर्णकलशान्समंतात्परिकल्पयेत्
धान्यानि चैव सर्वाणि समंतात्परिकल्पयेत्
दीपमाला विचित्राश्च ज्वालयेत समंततः 4.178.
कामदस्त्वं हि देवानां कामवृक्षस्ततः स्मृतः
एवं संपूज्य विधिना जागरं तत्र कारयेत्
होमं च ब्राह्मणाः कुर्युर्मद्गतेनांतरात्मना
तल्लिंगैः स्थापितान्देवान्होमेनाप्याययेत्ततः
अयुतेन भवेत्सिद्धिर्यज्ञस्य वरवर्णिनि
दद्यात्पर्वसमीपे तु कल्पवृक्षं सद क्षिणम्
नमस्ते कल्पवृक्षाय विततार्थप्रदाय च
यस्मात्त्वमेव विश्वात्मा ब्रह्मस्थाणुदिवाकराः
एवमामन्त्र्य तं दृष्ट्वा गुरवे कल्पपादपम्
अनेन विधिना यस्तु दानमेतत्प्रयच्छति ।। 4.178.
विमानवरमारुह्य सूर्यतेजःसमप्रभम्
याति लोकं सुरेशस्य सर्वबाधाविवर्जि तम्
यज्वा शूरोऽपि विद्वांश्च नरो भवति धार्मिकः
कल्पलतादानविधिवर्णनम् अनुग्रहाय लोकानां कथयस्व ममापरम्
तन्मे कथय देवेश दानं व्रतमथापि वा
येनोपायेन जायंते सभाग्या मानवा भुवि