अद्य जातस्य तेंऽगानि अभिषेक्ष्यामहे वयम्
एवं कृताभिषेकस्तु यजमानः समाहितः
तान्संपूज्य च भावेन बहुभ्यो वा तदाज्ञया
पादुकोपानहौ चैव च्छत्रचामरभाजनम्
तेषां चैव प्रदातव्यं दानं चात्र विशेषतः
अन्नसत्रं च कर्तव्यं यावद्दानपरिग्रहः
स कुलं तारयेत्सर्वं देवलोकं स गच्छति 4.176.
वापीकूपतडागाद्यैर्जलस्थानैरलंकृतम्
प्रासादशतसंकीर्णं वरस्त्रीशतसेवितम्
भूमयो यत्र राजेन्द्र दिव्या मणिमयाः शुभाः
धृतं स्तम्भसहस्रेण सुकृतं विश्वकर्मणा
तदारुह्य विमानाग्र्यं विद्याधरगणैर्युतम्
मन्वन्तरशते जाते कर्मभूमौ प्रजायते
धार्मिकः सत्यशीलश्च ब्रह्मण्यो गुरुवत्सलः
यस्त्विदं शृणुयाद्भक्त्या रहस्यं पापनाशनम्
गर्भं हिरण्यरचितं विधिवत्प्रविश्य संस्कारसंस्कृततनुः पुनरेव तस्मात्
इति श्रीभविष्ये महापुराण उत्तरपर्वणि श्रीकृष्णयुधिष्ठिरसंवादे हिरण्यगर्भदानविधिवर्णनं नाम षट्सप्तत्युत्तरशतत तमोऽध्यायः
ब्रह्माण्डदानविधिवर्णनम् शृणु त्वं राजशार्दूल कथ्यमानं मयाधुना
येन दत्तेन राजेन्द्र सर्वं पापं व्यपोहति
मंगल्यं मंगलं पुण्यं सर्वदानेषु चोत्तमम् ब्रह्मांडं कांचनं कृत्वा सर्वलक्षणसंयुतम्
देवासुरमनुष्यैश्च गन्धर्वोरगराक्षसैः विमानशतकोटीभिर्भूषितं चाप्सरोवरैः
दिग्गजाष्टकसंयुक्तं मध्यस्थितचतुर्मुखम्
तस्यांगे कल्पयेद्राजन्भुवनानि चतुर्दश
कुर्याद्विंशत्पलादूर्ध्वमासहस्राच्च भक्तितः
शिल्पिना विहितं यस्माद्ब्रह्मांडं सर्वकामदम्
अन्येष्वपि तु कालेषु श्रद्धावित्तसमन्वितः
तिलद्रोणोपरिगतं कंकुमक्षोदचर्चितम् 4.177.
तस्य दिक्षु च सर्वासु पूर्णकुम्भांश्च विन्यसेत्
गृहे वा मंडपे वापि स्थापयेत्तद्विचक्षणः
संयुक्तं कारयेत्तत्र पयस्विन्या तथैव च