वत्सराजस्य पुत्रत्वं गमिष्यति युधिष्ठिरः
भीमो दुर्वचनाद्दुष्टो म्लेच्छयोनौ भविष्यति
अर्जुनांशश्च मद्भक्तो जनिष्यति महामतिः
कान्यकुब्जे हि नकुलो भविष्यति महाबलः
सहदेवस्तु वलवाञ्जनिष्यति महामतिः
धृतराष्ट्रांश एवासौ जनिष्यत्यजमेरके
वेला नाम्ना च विख्याता तारकः कर्ण एव हि
कौरवाश्च भविष्यन्ति मायायुद्धविशारदाः 3.3.1.
मया शक्त्यवतारेण रक्षणीया हि पांडवाः
महावती पुरी रम्या मायादेवीविनिर्मिता
देवकीजठरे जन्मोदयसिंह इति स्मृतः
हत्वाग्निवंशजान्भूपान्स्थापयिष्यामि वै कलिम्
प्रेतकार्याणि ते कृत्वा भीष्मान्तिकमुपाययुः
राजधर्मान्मोक्षधर्मान्दानधर्मान्विभागशः
षट्त्रिंशदब्दराज्यं हि कृत्वा स्वर्गपुरं ययुः
गच्छध्वं मुनयः सर्वे योगनिद्रावशो ह्यहम्
इति श्रुत्वा तु मुनयो नैमिषारण्यवासिनः
द्वादशाब्दशते कालेऽतीते ते शौनकादयः
उत्थाय देवखाते च स्नानध्यानादिकाः क्रियाः
विनीतान्भगवन्भूमौ तदा तान्नृपतीन्वद
सूत उवाच स्वर्गते विक्रमादित्ये राजानो बहुधाऽभवन्
पश्चिमे सिंधुनद्यंते सेतुबन्धे हि दक्षिणे 3.3.2.१
अष्टादशैव राष्ट्राणि तेषां मध्ये बभूविरे
अन्तर्वेदी व्रजथ्यैवाजमेरं मरुधन्व च
आवंत्यं चोडुपं वंगं गौडं मागधमेव च
नानाभाषाः स्थितास्तत्र बहुधर्मप्रवर्तकाः
श्रुत्वा धर्मविनाशं च बहुवृंदैः समन्विताः
हिमपर्वतमार्गेण सिंधुमार्गेण चागमन्
गृहीत्वा योषितस्तेषां परं हर्षमुपाययुः
विक्रमादित्यपौत्रश्च पितृराज्यं गृहीतवान्