लोहोपस्करसंपूर्णांस्ता म्रोपस्करसंयुतान्
रत्नोपस्करसंयुक्तान्कांस्योपस्करमंडितान्
वंशोपस्करसंकीर्णान्काष्ठोपस्कर बृंहितान्
धर्मोपस्करसंभारशणवल्कलराजितान्
सप्तधातुमयं भांडं यत्तद्रत्नसमुद्भवम् 4.168.
गोमहिष्यश्ववृषभप्रेष्यवेश्यागणान्वितान्
संपूर्णान्सर्वधान्यैस्तु घृततैलगुडादिभिः
निष्पावाढक्यचणककुलत्थाणुमसूरकैः
लवणार्द्रकखर्जूरद्राक्षाजीरकधान्यकैः
धूपोपस्करपर्युप्ततूलीगण्डोपधानकैः
पिठरोलूखलस्थालीशूर्पदर्पणपत्रकैः
गृहाटवाटकादर्वीदृषल्लोष्टकहस्तकैः
कंडणी पेषणी चुल्ली उदकुम्भी प्रमार्जनी
इत्येवमादिभिः पूर्णान्गृहान्दद्याद्द्विजातिषु
शुभेऽह्नि विप्रकथिते दानकालः प्रशस्यते 4.168.
कुलशीलसमायुक्तान्गृहसंख्यान्निमंत्रयेत्
गृहस्थधर्मनिरताञ्छांतान्दांताञ्जितेंद्रियान्
सुगंधिस्रग्धरान्कृत्वा शांतिकर्मणि योजयेत्
ग्रहयज्ञः प्रकर्तव्यस्तुष्टिपुष्टिकरः सदा
वास्तुपूजा प्रकर्तव्या दिक्षु भूतबलिं क्षिपेत्
प्रवेशयित्वा शय्यासु सभार्यानुपवेशयेत्
यद्यस्य विहितं पूर्वं तत्तस्य प्रतिपादयेत्
तव विप्र प्रसादेन ममास्त्वभिमतं फलम्
गृहोपकरणैस्तुल्या दक्षिणा भवनं विना
उपदेष्टारमापृच्छेत्तन्मूलत्वान्महर्षयः 4.168.
दद्यादनेन विधिना गृहमेकं बहूनपि
शीतवातातपहरं दत्त्वा तृणकुटीरकम्
किं पुनर्बहुनोक्तेन सर्वोपस्करभूषिताम्
गोभूहिरण्यदानानि यमाः सनियमास्तथा
यः कारयेत्सुदृढहर्म्यवती महार्हा सत्सेवितां द्विजपुरीं सुजनोपभोग्याम्