अविदानव्रतविधिवर्णनम् यद्दत्त्वा त्रिविधं पापं सद्यो विलयमृच्छति
सुवर्णरोमां सौवर्णीं प्रत्यक्षं वा सुशोभनाम्
कौशेयपरिधानां च दिव्यचंदनभूषिताम् सप्तधान्यसमायुक्तां फलपुष्पवतीं तथा
शतेन कारयेत्तां च सुवर्णस्य प्रयत्नतः
अयने विषुवे चैव ग्रहणे शशिसूर्ययोः
यदा वा जायते वित्तं चित्तं श्रद्धासमन्वितम्
दद्यात्तीर्थे गृहे वापि यत्र वा रमते मनः
तत्र संस्थाप्य देवेशमुमया सह शंकरम्
रत्या सह तथानंगं लोकपालान्ग्रहानपि
तदग्रे कारयेद्धोमं तिलाज्येन महीपते 4.163.
तल्लिङ्गमंत्रैर्होमश्च कर्तव्यो ज्वलितेऽनले
पूजयित्वा विधानेन मन्त्रमेतमुदीरयेत् जगतः संप्रवृद्धासि त्वामतः प्रार्थये स्थिताम्
वाङ्मनःकायजनितं यत्किञ्चिन्मम दुष्कृतम्
एवमुच्चार्य तां दद्याद्ब्राह्मणाय कुटुम्बिने
दुष्टप्रतिग्रहहतो विप्रो भवति पातकी
नो दद्याद्दक्षिणाहीनां दातव्या सा विधानतः
पुरा दत्तमिदं दानं गौर्या शंकरकाम्यया
नलेन दत्तमेतद्धि राज्यं कृत्वा दिवं गतः
दानस्यास्य प्रभावेण पुत्रा बहुबलान्विताः 4.163.
दत्त्वा दानं शुभां कांतिं विपुलां च तथा श्रियम् अहोरात्रकृतात्पापान्मुच्यते नात्र संशयः
मेषी विशेषकलुषापहरातिशस्ता दाने सदैव रसधातुयुता सधान्या
भूमिदानवर्णनम् ये प्रयच्छंति विप्रेभ्यो भूमिदानं सदक्षिणम्
श्रोत्रियाय दरिद्राय अग्निहोत्ररताय च
सर्वपापविनिर्मुक्तो दीप्यमानो रविर्यथा
विमानैर्भास्वरैर्दिव्यैर्विष्णुलोकं स गच्छति
तत्र दिव्यांगनाभिश्च सेव्यमानो यथासुखम्
यावद्धारयते लोकान्भूरंकुरसमुद्भवा
नहि भूमिप्रदानाद्वै दानमन्यद्विशिष्यते
दानान्यन्यानि क्षीयंते कालेन पुरुषर्षभ
सर्वपापानि क्षीयंते कालयोगक्रमेण तु