सर्वाभरणसंपन्नः सर्वद्वंद्वविवर्जितः
आधि व्याधि विनिर्मुक्तो रूपवान्प्रियदर्शनः सर्वान्कामानवाप्नोति जायमानः पुनः पुनः
आमन्त्र्य साधुकुलशीलगुणान्विताय विप्राय यः कनकधेनुमिमां प्रदद्यात्
इति श्रीभविष्ये महापुराण उत्तरपर्वणि श्रीकृष्णयुधिष्ठिरसंवादे सुवर्णधेनुदानव्रतविधिवर्णनं नाम षट्पंचाशदुत्तरशततमोऽध्यायः
रत्नधेनुदानव्रतविधिवर्णनम् रत्नधेन्विति विख्यातं गोलोकफलदं नृणाम्
पुण्यं दिनमथासाद्य गोमयेनोपलेपनम्
धेनुं रत्नमयीं कुर्यात्तत्तत्संकल्पपूर्विकाम्
पुष्परागशतं धेनोः पादयोः परिकल्पयेत्
भ्रूयुगे विद्रुमशतं शुक्ती कर्णद्वये स्मृते
ग्रीवायां नेत्रपुटके गोमेदकशतं तथा
स्फाटिकैरुदरं कार्यं सौगन्धिकशतं कटौ
सूर्यकान्तेन्दुकान्तौ च घ्राणे कर्पूरचन्दनैः
गारुत्मतशतं तद्वदपाने परिकल्पयेत्
कुर्याच्छर्करया जिह्वां गोमयं च गुडात्मकम् 4.157.
पुच्छाग्रे चामरं दद्यात्स्तनयोस्ताम्रदोहनम्
नानाफलानि पार्श्वेषु कृत्वा पूजां प्रयत्नतः
त्वां सर्वदेवगणवासमिति स्तुवंति रुद्रेन्द्रचन्द्रकमलासनवासुदेवाः
एवमामन्त्र्य तां धेनुं विप्राय प्रतिपादयेत्
ततश्च दक्षिणां दत्त्वा प्रणिपत्य क्षमापयेत्
कल्पकोटिशतं साग्रं शिवलोके सुखं वसेत्
सर्वकामसमृद्धश्च शत्रुपक्षक्षयंकरः
इति सकलविधिज्ञो रत्नधेनुप्रदानं वितरति स विमानं प्राप्य देदीप्यमानम्
इति श्रीभविष्ये महापुराण उत्तरपर्वणि श्रीकृष्णयुधिष्ठिरसंवादे रत्नधेनुदानव्रतविधिवर्णनं नाम सप्तपंचाशदुत्तरशततमोऽध्यायः
उभयमुखीगोदानव्रतवर्णनम् विधिना केन धर्मज्ञं दाने तस्याश्च किं फलम्
प्राप्नुवंति नराः केचित्पुण्यसंभारविस्तराः
यावत्पादौ योनिगतौ शिरश्चैव प्रदृश्यते
गौर्यावद्द्विमुखी चैव यदा भवति भारत
दत्त्वोभयमुखीं राजन्यत्पुण्यं प्राप्यते नृभिः
किमिष्टैर्बहुभिर्यज्ञैर्दानैर्दत्तैश्च सत्तम
एकैव पाति नरकात्सुखमेकैव कारयेत्