नमः कृष्णाच्युतानंत वासुदेवेत्युदीरितम्
दानं ददद्भिर्यैरुक्तमच्युतः प्रीयतामिति
स एव नाथः सर्वस्य तन्नियोगकरा वयम्
इत्थं निशम्य वचनं यमस्य वदतोऽखिलम्
नमः कृष्णाय हरये विष्णवे जिष्णवे नमः
नमः पङ्कजनेत्राय नमः पङ्कजनाभये
गोविंदाय नमो नित्यं नमश्चोदधिशायिने
शार्ङ्गिणे शितखड्गाय शंखचक्रगदाभृते
वराहरूपाय तथा नमो यज्ञाङ्गधारिणे
वासुदेव नमस्तुभ्यं नमः कैटभसूदिने 4.153.
नमोऽस्तु वासुदेवाय ह्येवमुच्चारिते च तैः
समभज्यंत वस्त्राणि समुत्पेतुरयोमुखाः
प्रकाशस्तमसो जज्ञे नरकाद्भानुभिः सह
निरुत्साहा जडधियो बभूवुर्यमकिंकराः
दिव्यः सुगंधि पवनो मनःप्रीतिकरस्तथा
तं तादृशमथालक्ष्य तदा वैवस्वतो यमः
पूजयित्वा च तानाह कृष्णाय स कृतांजलिः
विष्णो देव जगद्धातर्जनार्दन जगत्पते
अच्युतायाप्रमेयाय मायावामनरूपिणे
नमस्ते वासुदेवाय धीमते पुण्यकीर्तये 4.153.
तस्य यज्ञवराहस्य विष्णोरमिततेजसः
एवं स्तुत्वा हृषीकेशं धर्मराजस्य पश्यतः
मुद्गलोऽपि महाबुद्धिर्दृष्ट्वैतदखिलं नृप
संस्मृत्य यमवाक्यानि विष्णोर्माहात्म्यमेव च
अहो सुदुस्तरा विष्णोर्मायेयमतिगह्वरी
जीवो गच्छति कीटत्वं यूकामत्कुणयोनिताम्
ततश्च पशुतां प्राप्य नरत्वमभिवांछति तां प्राप्य च श्रियं परां नरो मायाविमोहितः
दुस्तरापि सुसाध्या सा माया कृष्णस्य मोहिनी
अवाप्यैवं च गार्हस्थ्यमवाप्यैवं च तत्परम्
अविरोधेन विषयान्भुञ्जन्विष्णुं समाश्रयेत् । 4.153.