नोपभोगैः क्षयं यांति न प्रदानैः समृद्धयः
अदृष्टपरतत्त्वोपि पात्रेभ्यो विसृजेद्धनम्
दानानि बहुरूपाणि कथयामि तवानघ
किञ्चिद्व्रतं यत्क्रियते पूज्यते च त्रिलोचनः
यानि दानानि देयानि तान्याचक्ष्य यदूत्तम
येन चैव विधानेन दानं पुण्यसुखावहम्
आसप्तमं पुनंत्येते दोहवाहनवेदनैः
गोदानमादौ वक्ष्यामि प्रत्यक्षक्रमयोगतः
देयाः किंलक्षणा गावः काश्च राजन्विवर्जिताः 4.151.
न्यायार्जिता सवत्सा च प्रदेया श्रोत्रियाय गौः
वृद्धा सरोगा हीनांगी वंध्या दुष्टा मृतप्रजा
सा दत्तैव हरेत्पापं श्रोत्रियायाहिताग्नये
अकुलीनाय मूर्खाय लुब्धाय पिशुनाय च
घृतक्षीराभिषेकं च कृत्वा विष्णोः शिवस्य च
समभ्यर्च्य यथान्यायं पुष्पादिभिरनुक्रमात्
सवत्सां वस्त्रसंवीतां सितयज्ञोपवीतिनीम्
शक्तितो दक्षिणायुक्तां ब्राह्मणाय निवेदयेत्
अश्वं सदा सुकर्णे वा दासीं शिरसि दापयेत्
गावो मे हृदये संतु गवां मध्ये वसाम्यहम् 4.151.
इमां च प्रतिगृह्णीष्व धेनुर्दत्ता मया तव
अनुव्रजेच्च गच्छंतं पदान्यष्टौ नराधिप
सर्वकामसमृद्धात्मा स्वर्गलोकं स गच्छति
सप्त जन्मकृतात्पापान्मोचयत्यवनीपते
फलमाप्नोति राजेन्द्र दक्षायैवं जगौ हरिः
भवत्यसौ पापहरा यावदिंद्राश्चतुर्दश
प्रायश्चित्तमिदं प्रोक्तमनुतापोपबृंहितम्
ब्राह्मणैः क्षत्रियैर्वैश्यैः शूद्रैश्चान्यैश्च मानवैः
गोभ्योधिकं जगति नापरमस्तिकिञ्चिद्दानं पवित्रमिति शास्त्रविदो वदंति
इति श्रीभविष्ये महापुराण उत्तरपर्वणि श्रीकृष्णयुधिष्ठिरसंवादे प्रत्यक्षधेनुदानव्रत विधिवर्णनं नामैकपंचाशदुत्तरशततमोऽध्यायः
धेनुदानव्रतविधिवर्णनम् विशेषविधिना याश्च देयाः कामानभीप्सुभिः